У нядзелю ва ўрачыстасць Хрыста Валадара ў парафіі Св. Тэрэзы ад Езуса (Авільскай) у Шчучыне прайшло аднаўленне міністранцкіх абяцанняў літургічнай службай алтара.
Падчас урачыстай Эўхарыстыі да ліку кандыдатаў, якія рыхтуюцца стаць міністрантамі, было далучана 16 хлопцаў.
У гэты дзень папоўніўся і склад парафіяльнага хору «Каласанс».
Міністрант — памочнік святара падчас літургіі. Яго заданнем з’яўляецца падрыхтоўка ахвярных дароў. Праз сваё служэнне міністрант сведчыць аб тым, што кожнае літургічнае набажэнства, якое адпраўляецца ў касцёле, — гэта справа не толькі святара, але і ўсёй парафіі і ўсіх вернікаў.