Пошук

21.11.2016 16:30  

19 лістапада навучэнцы Вышэйшай духоўнай семінарыі ў Гродне разам з прэфектам кс. Андрэем Лішко здзейснілі падарожжа ў Вільнюс, якое пакінула ў сэрцах семінарыстаў шмат уражанняў і пачуццяў.

Семінарысты прынялі ўдзел ва ўрачыстай святой Імшы і маліліся ў інтэнцыі ўсіх вернікаў беларускай зямлі разам з Мітрапалітам Мінска-Магілёўскім арцыбіскупам Тадэвушам Кандрусевічам.

Падчас пілігрымкі навучэнцы наведалі вільнюскі хоспіс імя бл. Міхала Сапоцькі, у якім цяжкахворымі апякуюцца сёстры Божай Міласэрнасці. Для будучых святароў праца сясцёр — прыклад ахвярнага служэння найбольш пакутуючым.

Каля цудадзейнага абраза Маці Міласэрнасці кожны з семінарыстаў меў магчымасць асабіста падзякаваць за ўсе атрыманыя ласкі, якімі няспынна адорвае сваіх дзяцей апякунка Гродзенскай дыяцэзіі — Маці Божая Вастрабрамская.

У гэты дзень у Вострай Браме маліліся пілігрымы з розных рэгіёнаў Беларусі. У Вільнюс з розных куткоў Беларусі прыбыло каля тысячы пілігрымаў. Не ўсе вернікі змаглі змясціцца ў святыні. Сустрэча беларускіх католікаў ля падножжа Маці Божай Вастрабрамскай праходзіла ў год сярэбранага юбілею адраджэння структур Каталіцкага Касцёла ў Беларусі.


Яўген Амасёнак,
навучэнец Вышэйшай духоўнай семінарыі ў Гродне


Фотарэпартаж >>>

Абноўлена 05.06.2017 13:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа