Пошук

12.11.2016 21:46  

11 лістапада дапаможны біскуп Гродзенскай дыяцэзіі Юзаф Станеўскі наведаў з пастырскай візітацыяй парафію Перамянення Пана ў Юрацішках.


Вернікі ўрачыста сустракалі свайго пастыра каля святыні. Пробашч парафіі кс. Вітольд Чурган распавёў пра гісторыю парафіі, зрабіўшы кароткую справаздачу пра жыццё парафіі і сваю душпастырскую дзейнасць. У святой Імшы прымаў удзел і дзекан Іўеўскага дэканату кс. Віктар Субель.

У слове да вернікаў біскуп разважаў над пераемнасцю пакаленняў. «Мы, хрысціяне, павінны не толькі слухаць Божае слова і жыць ім, але праз свае паводзіны і ўчынкі перадаваць веру малодшаму пакаленню», — адзначыў іерарх.



Праграма пастырскай візітацыі была вельмі насычанай. Спачатку біскуп сустрэўся з удзельнікамі супольнасці Жывога Ружанца і тымі, хто моліцца за душы чыстцовыя ў Апостальстве дапамогі чыстцовым душам, а таксама з іншымі  парафіянамі.



Таксама іерарх разам з пробаршчам наведалі пажылых людзей у бальніцы ў Юрацішках, якія знаходзяцца на т.зв. «сацыяльным ложку».

Затым ў школе адбылася сустрэча біскупа з настаўнікамі, школьнікамі і іх бацькамі. Напрыканцы біскуп Юзаф Станеўскі маліўся на магіле кс. Антонія Твароўскага, былога пробаршча парафіі, закатаванага ў 1939 годзе.

Вікторыя Пярлухіна, фота аўтара

Фотарэпартаж >>>

Абноўлена 05.06.2017 13:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.