Пошук


02.11.2016 12:03  

Дзеці і моладзь францішканскай парафіі Маці Божай Анёльскай у Гродне крэатыўна правялі вігілію ўрачыстасці Усіх Святых. Замест удзелу ў язычніцкім Хэлоўіне яны адзначылі свята «Holy Wins» – «Святы перамагае».


Апрануўшыся ў касцюмы сваіх улюбёных святых, дзеці ўдзельнічалі ў Імшы, пасля якой кожны распавёў парафіянам, якога святога прэзентуе і чаму выбраў менавіта яго. Святыя Губерт і Бэнэдыкт, Марта, Анастасія, Агата, Францішак з Дамінікам, некалькі анёлаў ахоўнікаў і дзве святыя Цэцыліі дазволілі парафіянам францішканскай святыні ўзгадаць гісторыі гэтых незвычайных асобаў, якія выбралі Хрыста галоўнай каштоўнасцю свайго жыцця.


Пасля малітвы мелі месца невялікі імправізаваны канцэрт, інтэграцыйныя танцы і салодкі стол, з мэтай нагадаць сабе і бліжнім, што святы не мусіць быць сумным.

(AG)

Абноўлена 05.06.2017 13:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа