19 чэрвеня ў парафіі Апосталаў Пятра і Паўла ў Іўі дапаможны біскуп Мінска-Магілёўскай архідыяцэзіі Юрый Касабуцкі ўдзяліў сакрамэнт канфірмацыі вернікам парафіі.
У гэты дзень сакрамэнт хрысціянскай сталасці прынялі 138 чалавек, якія прайшлі адпаведную падрыхтоўку.
Звяртаючыся да тых, хто прыняў у гэты дзень сакрамэнт канфірмацыі, іерарх заахвоціў іх сведчыць пра Хрыста не толькі словам, але і ўчынкам, а таксама сваім жыццём. Біскуп адзначыў, што асабліва важным з’яўляецца сведчанне хрысціян у бягучы Год Міласэрнасці, які заклікае вернікаў быць вернымі хрысціянскім каштоўнасцям.
(IL)
