12 чэрвеня ў парафіі Найсвяцейшай Тройцы ў Шылавічах прайшоў штогадовы парафіяльны фэст, на які сабраліся жыхары Шылавіч, а таксама госці з навакольных вёсак.
Наведвальнікаў мерапрыемства чакалі конкурсы, гульні, канцэрт мясцовай самадзейнасці, кірмаш салодкіх вырабаў і народных майстроў.
Выступаў на фэсце і канцэрт мясцовай самадзейнасці. Парадаваў землякоў сваім выступам спявак Валерый Грэсік, які прыехаў на пабыўку з войска. Як заўсёды, феерычна выступіў тэатр моды «Спадчына» з Ваўкавыска.
