5 чэрвеня ў дзіцячым праекце «Анёлы дабра» дабрачыннага каталіцкага таварыства «Сaritas» Гродзенскай дыяцэзіі адбылося свята для маленькіх пацыентаў артапеда-траўматалагічнага аддзялення дзіцячай абласной бальніцы г. Гродна, прымеркаванае да Дня абароны дзяцей.
Валанцёры дабрачыннага таварыства падрыхтавалі вясёлыя гульні, праводзілі конкурсы, спявалі дзіцячыя песні. Дзеці былі вельмі рады салодкім падарункам.
На заканчэнне праграмы кожны з дзяцей прымацаваў смайлік са сваім імем на вясёлку, паколькі яна з’яўляецца з’яднаннем усіх фарбаў жыцця, а дзеці хочуць быць такімі ж прыгожымі, яркімі, а таксама, канешне, здаровымі і шчаслівымі.
Алег Гарбачоў, (AG)
