24 мая падчас святой Імшы, якую ўзначаліў арцыбіскуп Паоло Пеццы, Мітрапаліт архідыяцэзіі Божай Маці ў Маскве, на пасаду пробашча катэдральнага касцёла Беззаганнага Зачацця Панны Марыі ўступіў кс. Уладзімір Кабак SDB, які нарадзіўся ў Смаргоні.
Ксёндз Уладзімір у прысутнасці сведкаў склаў абяцанні служыць Касцёлу словам і справай.
Арцыбіскуп і парафіяне, як паведамляе gaudete.ru, падзякавалі за доўгія гады служэння папярэдняму пробашчу кс. Юзафу Занеўскаму SDB, які ўзначальваў парафію з 1991 года.
Уладзімір Кабак нарадзіўся ў Смаргоні. У 1991 г. паступіў у салезіянскі навіцыят ў г. Чэрвіньск над Віслай (Польшча). Прэзбітэрскае пасвячэнне прыняў у 2000 г. З 2012 года з’яўляўся пробашчам парафіі Найсвяцейшай Панны Марыі Кармэльскай у Гатчыне (Расія).
(VGr)
