Пошук

16.03.2017 11:25   Ілья Лапато / Catholic.by

Даследчыца Бібліі і вядомы гебраіст — прафесар кафедры культуралогіі факультэта сацыякультурных камунікацый БДУ Галіна Сініла атрымала ўзнагароду Дортмундскага і Мінскага міжнародных адукацыйных цэнтраў «Дыялог, узаемаразуменне і прымірэнне».

Прэмія ўручаецца раз у два гады за выдатныя дасягненні ў галіне міжканфесіянальнага і міжкультурнага дыялогу і камунікацыі.

Цырымонія ўзнагароджання прайшла 15 сакавіка ў Мінску.

«Біблія — важны архітэкст іўдзейскай і хрысціянскай культуры, — адзначыла даследчыца. — У эпоху крызісу каштоўнасцяў праблема выхавання вельмі важная, таму вельмі важна выхоўваць павагу да іншых. Менавіта Біблія павінна быць асновай дыялогу і ўзаемаразумення. У ХХ ст. урэшце была асэнсавана важнасць дыялогу як адзінай магчымай формы быцця».

(IL), фота Ільі Лапато


Абноўлена 05.06.2017 13:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа