18 студзеня навучэнцы Вышэйшай духоўнай семінарыі імя св. Тамаша Аквінскага ў Пінску наведалі дзіцячы прытулак у Лагішыне, каб павіншаваць яго выхаванцаў з Божым Нараджэннем.
Сустрэчу з дзецьмі навучэнцы пінскай семінарыі пачалі са знаёмства, а працягнулі адмысловай забаўляльнай праграмай — разам малявалі, танчылі і спявалі калядкі. Семінарысты расказалі выхаванцам і пра гісторыю свята Божага Нараджэння, яго сутнасць і традыцыі.
Перад ад’ездам госці яшчэ раз павіншавалі выхаванцаў і кожнаму ўручылі салодкі падарунак.
Арцём Кір’янаў, фота Андрэя Бурака
