У хаце добры лад і згода,
Як патрабуе і прыгода,
Паважнасць вечара святога —
Не ўчуеш слова ты благога.
(Якуб Колас)
Дарагія чытачы!
Нашае віншаванне з радаснай урачыстасцю Нараджэння Пана пачынаем словамі славутага беларускага пісьменніка Якуба Коласа. У гэтых яго рыфмаваных радках закладзена патрэба кожнага чалавека — перажываць святы ў коле родных і блізкіх, у ладзе і згодзе.
Няхай жа кожнага Бог адорыць ласкай перажывання святога вечара ў коле сям’і. Няхай у вашых сем’ях славяць Бога, няхай будзе ў іх любоў і прабачэнне — у святы вечар і ў кожны дзень!
Рэдакцыя Catholic.by
