Усё бліжэй і бліжэй святочныя дні, на вуліцах і ў дамах з’яўляюцца ўпрыгожаныя ёлкі, навагоднія агеньчыкі, усмешкі і светлы настрой — набліжаюцца святы Божага Нараджэння.
Гурт Laudans таксама распачаў падрыхтоўку да святаў. На днях у інтэрнэце з’явілася відэа, дзе музыкі прадставілі спеў «Як прыбеглі пастушкі». Відэа здымалася ў дольным касцёле мінскай архікатэдры. Акрамя асноўнага складу гурта былі запрошаны хор з касцёла на Залатой Горцы і сесіённыя музыкі.
«Мы хацелі падзяліцца жывым гучаннем добра вядомай калядкі і паказаць прыгажосць атмасферы святаў Нараджэння Пана», — адзначае лідар гурта Андрэй Лугін.
Алёна Палачанская
(VGr)
