Пошук


09.09.2016 15:21  

У Славакіі, дзе праходзіў семінар для кіраўнікоў Канферэнцый Каталіцкіх Біскупаў Усходняй і Цэнтральнай Еўропы з удзелам Мітрапаліта Мінска-Магілёўскага арцыбіскупа Тадэвуша Кандрусевіча, быў заслуханы даклад эксперта ў галіне міжнароднай рэлігійнай свабоды Роджэра Кіска.

Эксперт падкрэсліў, што Еўрасаюз негатыўна ўплывае на сітуацыю сям’і і нават змяняе яе канцэпцыю, дазваляе маніпуляваць Божым дарам жыцця і забіваць яго, легалізуе гомасексуальныя саюзы і прапагандуе гендарную ідэалогію.

Дзеянні Еўрасаюза па легалізацыі нязгодных з Божым законам правоў чалавека эксперт назваў «ідэалагічным каланіялізмам» і «дыскрымінацыяй вернікаў Еўропы». 

Дакладчык адзначыў, што еўрапейцы не заўсёды задаволены такой палітыкай Еўрасаюза і гэта адна з прычын, чаму Вялікабрытанія прагаласавала за выхад з ЕС.

«У такой трагічнай сітуацыі надзея застаецца толькі на Касцёл і яго маральнае вучэнне, — адзначыў Роджэр Кіска. — Тут вялікая роля належыць парламентарыям паасобных краін, якія як сапраўдныя хрысціянскія дэпутаты павінны галасаваць супраць падрыхтаваных у Бруселі праектаў законаў, не згодных з Божай воляй». «Такія прыклады ўжо ёсць, асабліва ў тых краінах Еўропы, дзе Каталіцкі Касцёл моцны», — падкрэсліў дакладчык.

На пытанне Мітрапаліта Тадэвуша Кандрусевіча, як можна ацаніць афіцыйную палітыку сям’і ў Беларусі, эксперт адзначыў, што Беларусь можа быць прыкладам захавання Божага ўстанаўлення, дзе сям’я — не гомасексульны саюз, але саюз мужчыны і жанчыны.

(DN), (IL)

Абноўлена 05.06.2017 13:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.