У Міждыяцэзіяльнай вышэйшай духоўнай семінарыі ў Пінску завяршыўся другі тур уступнага экзамена. Па выніках праведзеных іспытаў на першы курс навучальнага года 2016/2017 залічаны яшчэ двое маладых людзей.
Такім чынам, пасля першага і другога туру экзамена новы навучальны год у семінарыі ў Пінску распачнуць шэсць студэнтаў першага курса.
Рэктарат семінарыі выказвае глыбокую ўдзячнасць і абяцае памятаць у малітве аб парафіяльных супольнасцях і паасобных верніках, якія няспынна моляцца аб пакліканнях да святарскага служэння, а таксама ахвяруюць свае шчырыя малітвы і пост у інтэнцыях Міждыяцэзіяльнай вышэйшай духоўнай семінарыі ў Пінску, якая сёлета адзначае 15-годдзе адраджэння.
(AG)
