Пошук


28.07.2016 10:10  

Папа Францішак распачаў апостальскае падарожжа ў Польшчу, якая ў гэтыя дні прымае ўдзельнікаў XXXI Сусветных дзён моладзі. Сярод тых, хто вітае Папу — тысячы беларусаў.

27 ліпеня ў 16.00 у міжнародным аэрапорце Кракаў-Баліцэ імя Яна Паўла II прызямліўся cамалёт італьянскай авіякампаніі «Alitalia» з Пантыфікам на борце.

На пляцоўцы другога па велічыні аэрапорта Польшчы ў прысутнасці роты ганаровай варты Святога Айца сустрэлі Прэзідэнт Рэспублікі Анджэй Дуда з жонкай, Апостальскі Нунцый арцыбіскуп Чэлесціно Мільёрэ і арцыбіскуп Кракаўскі кардынал Станіслаў Дзівіш.

На цырымоніі прывітання Пантыфіка прысутнічалі таксама прадстаўнікі ўлады Польшчы, рэлігійныя дзеячы краіны, група польскіх вернікаў.

Услед за прывітаннем Папы былі выкананы гімны Апостальскай Сталіцы і Польшчы. Затым адбылося прадстаўленне афіцыйных дэлегацый абедзвюх краін.

Пасля гэтага аўтамабіль з Пантыфікам накіраваўся ў Вавельскі замак для сустрэчы з прадстаўнікамі ўлады, грамадзянскай супольнасці і дыпламатычнага корпуса, а таксама для прыватнай сустрэчы з Прэзідэнтам Польшчы. Вавельскі замак – сімвалічнае для палякаў месца, дзе на працягу пяці стагоддзяў знаходзілася рэзідэнцыя польскіх каралёў.

Папскі візіт у Польшчу будзе працягвацца пяць дзён. За гэты час Пантыфік наведае шэраг знакавых для краіны месцаў, сустрэнецца са шматлікімі пілігрымамі ў рамках Сусветных дзён моладзі, а ў апошні дзень свайго прабывання ўзначаліць святую Імшу на закрыццё хрысціянскага моладзевага форума.

Беларуская рэдакцыя Ватыканскага радыё (АлГ)

Абноўлена 05.06.2017 13:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця