Пошук



23 ліпеня беларуская група з раніцы вырушыла з мясцовай сакольскай парафіі на фестываль народаў у Ломжу. 11 груп, якія прыбылі з розных куткоў свету — у прыватнасці з Францыі, Італіі, Літвы, Латвіі, Расіі, ЗША, Мексікі і Сальвадора, — перад тым, як прыняць удзел у Эўхарыстыі і фестывалі, прайшліся вуліцамі горада з катэдры да месца, дзе летам 1991 года на сустрэчу з Янам Паўлам ІІ таксама сабралася мноства людзей.

Мноства моладзі, шматмоўе і шматколернасць сцягаў, нацыянальныя спевы... Быццам невялікая рэпетыцыя таго, што будзе адбывацца праз некалькі дзён у гістарычнай сталіцы Польшчы.

Той момант, калі пачынаеш разумець і адчуваць адначасова моц і прыгажосць Каталіцкага Касцёла, а таксама веліч Хрыста, вакол якога становяцца адзіным.


Злучаныя Хрыстом — злучаныя прыязнасцю і жаданнем адзін аднаму дапамагчы і проста быць разам, як у адной вялікай сям’і.

Ці не ў гэтым мае патрэбу сённяшні свет — у еднасці і любові, каб супрацьстаяць нянавісці, зайздрасці і смерці...

Каб перамагчы Любоўю, якую адкрывае Езус міласэрным.

Шчаслівыя міласэрныя. І такія шчаслівыя патрэбны свету.

Папярэднія матэрыялы:

Дзённік удзельніка СДМ-2016: ад заплечніка да першых сустрэч і ўсмешак

Дзённік удзельніка СДМ-2016: міласэрнасць чалавека да чалавека

Дзённік вядзе Аксана Ючкавіч

Абноўлена 05.06.2017 13:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.