Пошук



З ініцыятывай падрыхтоўкі да 100-годдзя фацімскіх аб’яўленняў выступілі свецкія вернікі Беларусі, якія прымаюць актыўны ўдзел у пілігрымках у першую суботу месяца, а таксама моляцца на ружанцы праз Skype. Удзельнікі падрыхтоўкі запрашаюць далучацца да іх ініцыятывы ўсіх ахвотных.

Гэтыя вернікі таксама наведваюць спецыяльныя сустрэчы, з дапамогай якіх развіваюць сваё малітоўнае жыццё і разважаюць над пакаяннем, да якога заклікае Маці Божая з Фацімы.

Вернасць у выкананні абяцанняў


Вернасць у выкананні абяцанняў Марыі з’яўляецца надзвычай важнай у сённяшнім згубленым свеце, паглынутым матэрыялізмам і абмежаваным спажывецтвам. Жывая вера ўдзельнікаў ініцыятывы можа стаць процівагай для беспарадку і неспакою, які прыносіць сучасны свет.

Адкрывацца на тое, каб Бог валадарыў у сэрцах


Разуменне веры свецкіх людзей ажыццяўляецца праз спантаннае прыняцце і перажыванне Божай Праўды. Яны пацвярджаюць, што Богам Сусвету з’яўляецца Міласэрны Айцец, і праз розныя формы пабожнасці адкрываюцца на тое, каб Бог валадарыў у іх сэрцах.

Праз глыбокую веру адкрыць каштоўнасць жыцця

Людзі з вялікай удзячнасцю прынялі просьбу Маці Божай з Фацімы, якая заклікала да малітвы і цярпення для збаўлення свету. Яны прымаюць таксама запрашэнне Марыі праз глыбокую веру адкрыць тую каштоўнасць жыцця, якую дае праўда, заключаная ў Богу — Айцу Міласэрнасці, уваходзяць у прыгажосць жывой веры, што дае шмат радасці, якой яны прагнуць дзяліцца.

Той, хто жадае дзейснай падрыхтоўкі да 100-годдзя фацімскіх аб’яўленняў і асабістага паглыблення веры, можа далучыцца да наступных ініцыятыў:

  • пілігрымкі ў першыя суботы месяца;
  • ружанцовая малітва праз скайп «Catholic Rosarium»
  • біблійныя сустрэчы з дзяленнем Божым Словам, якія праводзяцца ў кожнай парафіі.

Штодзённая жывая малітва Ружанца ў інтэрнэце праз Skype адбываецца ў 22.00. Каб далучыцца да малітвы, трэба знайсці ў Skype карыстальніка catholic.rosarium і дадаць яго сабе ў кантакты.

А. Юрый Катоўскі OMI

Фота Аляксандры Шчыглінскай

Абноўлена 05.06.2017 13:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця