Пошук



З 2016 году беларускія дзяржаўныя ўлады плануюць праводзіць Дзень вышыванкі 2 ліпеня — якраз у свята Маці Божай Будслаўскай. А роўна год таму наш сайт апублікаваў артыкул пад загалоўкам «Свята ў Будславе стала таксама святам беларускай вышыванкі».

Міністэрства культуры Беларусі абвясціла 27 чэрвеня пра распачацце новай традыцыі — правядзення Дня вышыванкі 2 ліпеня. Падчас свята ў Мінску адбудуцца адмысловы парад, раздача стужак з вышытым узорам, канцэрт, дыскатэка і нават рыцарскія спаборніцтвы.

Аднак у 2015 годзе якраз у дзень Будслаўскага свята нашы журналісты заўважылі, як шмат да Нацыянальнага санктуарыя прыйшло пілігрымаў у беларускіх вышытых кашулях, футболках з нацыянальным арнаментам ці са стужкамі з народнымі ўзорамі.


«Касцёл у нашай краіне вельмі клапатліва ставіцца да беларускай культуры; вышыванкі — гэта частка нашай культуры і самабытнасці; і калі гэта спрыяе ўмацаванню самасвядомасці, калі гэта частка нашай культуры, якую мы пачынаем шанаваць, прынамсі, такім чынам — я думаю, гэта вельмі добрая справа», — казаў біскуп Віцебскі Алег Буткевіч яшчэ ў 2014 годзе.

Прапануем вашай увазе тую мінулагоднюю фотасесію з будслаўскімі пілігрымамі ў вопратцы з нацыянальнымі арнаментамі.

Аляксандр Гелагаеў

Фотарэпартаж >>>

Абноўлена 05.06.2017 13:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.