Курыя Віцебскай дыяцэзіі і беларуская супольнасць сясцёр Эўхарыстак са смуткам паведамляюць, што 3 жніўня на 91-м годзе жыцця адышла ў вечнасць сястра Валерыя Русачонак SJЕ.
Сястра Валерыя нарадзілася 5 чэрвеня 1931 года ў вёсцы Лужкі (Шаркаўшчынскі раён). Першыя манаскія абяцанні ў Кангрэгацыі сясцёр служабніц Езуса ў Эўхарыстыі прынесла ў Браславе. Служыла ў супольнасцях кангрэгацыі ў Літве, Грузіі, Латвіі. У Беларусі шмат гадоў працавала сакрыстыянкай і катэхеткай. Пражыла 62 гады законнага жыцця.
Пахавальная святая Імша за спачылую сястру Валерыю адбудзецца 5 жніўня ў 11.00 у касцёле Нараджэння Найсвячцейшай Панны Марыі ў Браславе.
Вечны адпачынак дай ёй, Пане…
