Курыя Мінска-Магілёўскай Архідыяцэзіі са смуткам паведамляе, што раніцай 5 красавіка на 90-м годзе жыцця адышла ў вечнасць Марыя Клімантовіч, мама ксяндза каноніка Антонія Клімантовіча, пробашча катэдральнай парафіі ў Мінску.
Пахавальная Імша па спачылай Марыі адбудзецца 6 красавіка ў 12.00 у архікатэдральным касцёле Імя Найсвяцейшай Панны Марыі ў Мінску.
Дырэктар парталу Catholic.by ксёндз Аляксандр Улас ад імя ўсіх супрацоўнікаў рэдакцыі выказвае спачуванні ксяндзу Антонію і ўсім блізкім і запэўнівае ў малітоўнай памяці.
Вечны адпачынак дай ёй, Пане…
