Курыя Гродзенскай дыяцэзіі са смуткам паведамляе, што 19 чэрвеняа на 83-м годзе жыцця адышоў у вечнасць кс. канонік Тадэвуш Качан, былы пробашч парафіі Найсвяцейшага Сэрца Пана Езуса ў Канвелішках (Радунскі дэканат).
Кс. канонік Тадэвуш Качан нарадзіўся 5 жніўня 1937 года. Паходзіць з парафіі Нараджэння Найсвяцейшай Панны Марыі ў Трабах (Івейскі дэканат).
Прэзбітэрскае пасвячэнне прыняў 6 чэрвеня 1981 года ў Сандаміры (Польшча).
У 2004–2018 гадах быў пробашчам парафіі Найсвяцейшага Сэрца Пана Езуса ў Канвелішках.
Пахавальная святая Імша адбудзецца ў панядзелак 22 чэрвеня ў парафіяльным касцёле Найсвяцейшага Сэрца Езуса ў Канвелішках (Радунскі дэканат).
Пачатак у 11.00.
Пасля Імшы адбудуцца развітальныя абрады і пахаванне на парафіяльных могілках.
Вечны адпачынак дай яму, Пане…
