Перад урачыстасцю Усіх Святых і ўспамінам Усіх памерлых вернікаў студэнты Міждыяцэзіяльнай вышэйшай духоўнай семінарыі ў Гродне традыцыйна прыбралі і навялі парадак на гарадскіх каталіцкіх могілках.
Як паведаміў партал Grodnensis.by, два дні пасля лекцый яны прысвяцілі гэтай добрай справе: зграбалі сухую траву, выносілі смецце, ачышчалі тэрыторыю ад кустоўя.
Разам з семінарыстамі працавала вялікая колькасць вернікаў Гродна, якія таксама ахвяравалі свой час і сілы, каб прывесці ў парадак найстарэйшыя могілкі горада.
