25 і 27 чэрвеня ў Брэсце і ў Мінску пройдуць канцэрты «Польскай харавой музыкі XVI–XXI стагоддзяў» у выкананні хора Cappella corale varsaviana («Варшаўская харавая капэла»).
25 чэрвеня
Брэст, касцёл Узвышэння Святога Крыжа (вул. Леніна, 34).
Пачатак у 18.45.
27 чэрвеня
Мінск, архікатэдральны касцёл Імя Найсвяцейшай Панны Марыі (пл. Свабоды, 9).
Пачатак у 19.30.
Уваход на канцэрты вольны.
Хор Cappella Corale Varsaviana узнік у 2007 годзе па ініцыятыве Рамана Рэваковіча — дырыжора, які актыўна дзейнічае як у галіне харавой, так і аркестровай музыкі, у супрацоўніцтве з Малгажатай Шыманэк-Пятроўскай - кіраўніком хору са шматгадовым досведам.
Калектыў аб’ядноўвае аматараў харавой музыкі розных эпох і гістарычных перыядаў. У яго ўваходзяць прафесіянальныя музыкі, выпускнікі і студэнты розных факультэтаў вышэйшых музычных навучальных установаў Польшчы. У праграму, прысвечаную польскай харавой музыцы, якую калектыў прапануе беларускім слухачам, уваходзяць духоўныя і свецкія творы Станіслава Манюшкі, Фелікса Нававейскага, Генрыка Мікалая Гурэцкага, Юльюша Луцюка, Барташа Кавальскага і іншых кампазітараў.
