У суботу 30 кастрычніка адбудзецца ўрачысты ўваход, Мітрапаліта Мінска-Магілёўскага арцыбіскупа Юзафа Станеўскага ў гістарычную магілёўскую катэдру Унебаўзяцця Найсвяцейшай Панны Марыі і святога Станіслава.
14 верасня, у свята Узвышэння Святога Крыжа, Папа Францішак прызначыў арцыбіскупам Мітрапалітам Мінска-Магілёўскім Юзафа Станеўскага, тытулярнага біскупа Табаікары, да гэтага часу — дапаможнага біскупа Гродзенскай дыяцэзіі.
Утвораная ў 1783 годзе Магілёўская Мітраполія стала першай каталіцкай катэдрай на тэрыторыі сучаснай Беларусі, і старадаўні магілёўскі касцёл Унебаўзяцця Найсвяцейшай Панны Марыі і святога Станіслава стаў першай на нашых сённяшніх землях катэдральнай святыняй. Урачыстаму ўваходу арцыбіскупа ў гэтую гістарычную катэдру папярэднічала цырымонія яго кананічнага ўступлення на пасаду Мітрапаліта Мінска-Магілёўскага, якая адбылася 23 кастрычніка падчас урачыстай святой Імшы ў катэдральным касцёле Найсвяцейшага Імя Марыі ў Мінску.
Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB запрашае духавенства, кансэкраваных асоб і ўсіх вернікаў Магілёўшчыны годна прывітаць арцыпастыра ў яго конкатэдральнай святыні.
Пачатак у 11.00.
На партале Catholic.by будзе весціся прамая аўдыётрансляцыя ўрачыстай святой Імшы з Магілёва. Плэер трансляцыі на глоўнай старонцы парталу.
