Курыя Гродзенскай дыяцэзіі са смуткам паведамляе, што 2 ліпеня неспадзявана ва ўзросце 49 гадоў адышоў у вечнасць ксёндз Андрэй Зайко, суддзя касцёльнага суда Гродзенскай дыяцэзіі і рэзідэнт парафіі Беззаганнага Зачацця Найсвяцейшай Панны Марыі ў Гродне (дэканат Гродна-Захад).
Парадак развітання з целам спачылага святара наступны:
4 ліпеня, субота
- 18.00 — труна з целам будзе прывезена ў парафіяльны касцёл Беззаганнага Зачацця Найсвяцейшай Панны Марыі ў Гродне (мікрараён Паўднёвы).
- 19.00 — святая Імша (святары гродзенскіх дэканатаў і вернікі парафій ў Гродне).
- Пасля Імшы — развітанне і перавязенне труны з целам у Ваўкавыск.
5 ліпеня, нядзеля
- 18.00 — труна з целам будзе прывезена ў парафіяльны касцёл святога Вацлава ў Ваўкавыску.
- 19.00 — святая Імша (святары Ваўкавыскага дэканату і вернікі парафій ў Ваўкавыску).
- Малітоўнае чуванне пры труне.
6 ліпеня, панядзелак
- 12.00 — пахавальная святая Імша
- Пахаванне на парафіяльных могілках у Ваўкавыску.
Ксёндз Андрэй Зайко нарадзіўся 17 лютага 1977 года. Паходзіў з парафіі святога Вацлава ў Ваўкавыску. Прэзбітэрскае пасвячэнне прыняў 19 мая 2001 года ў катэдральнай базыліцы святога Францішка Ксавэрыя ў Гродне з рук біскупа Аляксандра Кашкевіча. Быў пробашчам парафіі Маці Божай Ружанцовай у Граўжышках (Ашмянскі дэканат), а таксама пробашчам парафіі Найсвяцейшага Імя Марыі ў Рэплі (Ваўкавыскі дэканат).
Вечны адпачынак дай яму, Пане...
