ПЕРШАЕ ЧЫТАННЕ
Вось скура ягонага твару ззяла, таму яны баяліся падысці да яго
Чытанне кнігі Зыходу.
Калі Майсей сыходзіў з гары Сінай, трымаючы ў руках дзве табліцы Сведчання, ён не ведаў, што ад размовы з Панам ззяла скура твару ягонага. І ўбачылі Аарон і ўсе сыны Ізраэля Майсея. Вось скура ягонага твару ззяла, таму яны баяліся падысці да яго. Але Майсей паклікаў іх, і Аарон разам з усімі кіраўнікамі сходу вярнуліся да яго, і Майсей размаўляў з імі. А пасля падышлі ўсе сыны Ізраэля, і ён наказаў ім ўсё, што сказаў яму Пан на гары Сінай.
Калі Майсей закончыў гаварыць з імі, засланіў покрывам твар свой. І калі ўваходзіў Майсей да Пана гаварыць з Ім, ён здымаў покрыва аж да выйсця свайго. Калі ж выходзіў, перадаваў сынам Ізраэля ўсё, што яму было загадана. І бачылі сыны Ізраэля аблічча Майсея, як ззяе скура Майсеевага твару, але ён засланяў покрывам твар свой, пакуль не ўваходзіў гаварыць з Панам.
Гэта слова Божае.
аРЭСПАНСАРЫЙНЫ ПСАЛЬМ
Рэфрэн: Ты Найсвяцейшы, Божа наш і Пане.
5. Узвялічвайце Пана, *
Бога нашага,
пакланіцеся ў падножжа Ягонага, *
бо Ён святы.
Рэфрэн:
6. Майсей і Аарон сярод Яго святароў, *
і Самуэль сярод тых, хто заклікаў імя Ягонае:
яны клікалі Пана, *
і Ён адказваў ім.
Рэфрэн:
7. Прамаўляў да іх *
у слупе воблака,
яны захоўвалі запаведзі *
і загады, што Ён даў ім.
Рэфрэн:
8. Божа наш, Пане, *
Ты ім адказаў,
Богам літасцівым Ты быў для іх, *
але караў іх за правіны іхнія.
Рэфрэн:
9. Узвялічвайце Пана, *
Бога нашага,
і пакланіцеся на гары Яго святой, *
бо святы Пан, Бог наш.
Рэфрэн:
а
ПЕРШАЕ ЧЫТАННЕ
Чаму боль мой бязмежны? — Калі ты вернешся, Я аднаўлю цябе
Чытанне кнігі прарока Ераміі.
Гора мне, мая маці, што нарадзіла мяне — чалавека спрэчкі і чалавека нязгоды для ўсёй зямлі! Хоць не пазычаю і не даю пазыкі, аднак ўсе праклінаюць мяне.
Калі знаходзіў Твае словы, я паглынаў іх, і Тваё слова стала для мяне радасцю і ўцехаю сэрца майго. Бо імя Тваё было паклікана нада мною, Пане, Божа Магуццяў.
Я ніколі не сядзеў на вясёлым сходзе і не радаваўся, але сядзеў самотна пад Тваёю рукою, бо Ты напоўніў мяне абурэннем. Чаму боль мой бязмежны, а рана незагойная і невылечная? Ты стаў для мяне як падманлівы паток, воды якога высыхаюць.
Дзеля гэтага так кажа Пан:
Калі ты вернешся, Я аднаўлю цябе і ты станеш перад Маім абліччам. Калі аддзеліш каштоўнае ад нікчэмнага, тады станеш нібы Мае вусны. Яны самі звярнуцца да цябе, а не ты будзеш звяртацца да іх. І зраблю цябе для гэтага народа трывалым медным мурам. Яны будуць ваяваць супраць цябе, але не перамогуць цябе, бо Я з табою, каб збаўляць і ратаваць цябе, — кажа Пан. Я вызвалю цябе ад рукі злых і адкуплю ад рукі прыгнятальнікаў.
Гэта слова Божае.
аРЭСПАНСАРЫЙНЫ ПСАЛЬМ
Рэфрэн: Бог — мая цвярдыня ў дзень майго няшчасця.
2. Ад ворагаў маіх вызвалі мяне, мой Божа, *
абарані ад тых, хто паўстае супраць мяне.
3. Вызвалі мяне ад тых, хто чыніць беззаконне,*
уратуй ад людзей крыважэрных.
Рэфрэн:
4. Вось яны пільнуюць душу маю, *
збіраюцца супраць мяне моцныя,
не за правіну маю і не за грэх мой, Пане, *
5. без віны маёй збягаюцца і рыхтуюцца.
Рэфрэн:
10. Сіла мая, я на Цябе спадзяюся, *
таму што Бог — мая абарона.
11. Мой міласэрны Бог выйдзе мне насустрач, *
Бог дасць мне ўбачыць пагібель маіх ворагаў.
Рэфрэн:
17. А я славіць буду Тваю магутнасць, *
і зранку абвяшчаць Тваю міласэрнасць,
бо ў дзень майго няшчасця *
Ты быў маёй цвярдыняй і сховішчам.
Рэфрэн:
18. Сіла мая, *
буду праслаўляць Цябе,
таму што Бог — мая абарона, *
мой Божа міласэрны.
Рэфрэн:
СПЕЎ ПЕРАД ЕВАНГЕЛЛЕМ
бо ўсё, што чуў ад Айца Майго, Я сказаў вам.
Акламацыя: Аллелюя, аллелюя, аллелюя.
аЕВАНГЕЛЛЕ
Прадае ўсё, што мае, і купляе гэтае поле
+ Чытанне святога Евангелля паводле Мацвея.
У той час:
Езус сказаў народу: Валадарства Нябеснае падобнае да скарбу, схаванага ў полі, які знайшоў чалавек і ўтаіў. У радасці ад гэтага ён ідзе і прадае ўсё, што мае, і купляе гэтае поле.
Яшчэ Валадарства Нябеснае падобнае да купца, які шукае прыгожых пярлін. Знайшоўшы адну каштоўную пярліну, ён ідзе і прадае ўсё, што мае, і купляе яе.
Гэта слова Пана.
Пераклад здзейснены Секцыяй па перакладзе літургічных тэкстаў і афіцыйных дакументаў Касцёла пры ККББ