ПЕРШАЕ ЧЫТАННЕ
Пан, Пан Бог міласэрны і літасцівы
Чытанне кнігі Зыходу.
У тыя дні:
Майсей, устаўшы з самае раніцы, узышоў на гару Сінай, як загадаў яму Пан. І ўзяў у рукі свае дзве каменныя табліцы. І сышоў Пан у воблаку, і стаў там паблізу яго, і ён абвясціў імя Пана. І прайшоў Пан перад ім і ўсклікнуў: Пан, Пан Бог міласэрны і літасцівы, доўгацярплівы і шматміласцівы, і праўдзівы.
Майсей адразу ўпаў на зямлю і пакланіўся Богу, і сказаў: Калі я знайшоў упадабанне ў вачах Тваіх, Пане, то няхай пройдзе Пан сярод нас, бо народ гэты цвёрдага карку; даруй беззаконні нашыя і грахі нашыя і зрабі нас спадчынай Тваёй.
Гэта слова Божае.
аРЭСПАНСАРЫЙНЫ ПСАЛЬМ
Рэфрэн: Імя Тваё, Пане, хвалебнае і ўзвялічанае навекі!
52. Благаслаўлёны Ты, Пане, Бог айцоў нашых, *
поўны хвалы і ўзвялічаны навекі.
Благаслаўлёнае святое імя славы Тваёй, *
хвалебнае і ўзвялічанае навекі.
Рэфрэн:
53. Благаслаўлёны Ты ў святыні Тваёй святой славы, *
праслаўлены і ўзвялічаны навекі.
54. Благаслаўлёны Ты на троне Твайго валадарства, *
праслаўлены і ўзвялічаны навекі.
Рэфрэн:
55. Благаслаўлёны Ты, які бачыш глыбіні, які сядзіш на Херубінах, *
хвалебны і ўзвялічаны навекі.
56. Благаслаўлёны Ты на скляпенні неба, *
хвалебны і ўзвялічаны навекі.
Рэфрэн:
аДРУГОЕ ЧЫТАННЕ
Ласка Пана Езуса Хрыста і любоў Бога, і еднасць Духа Святога
Чытанне Другога паслання святога апостала Паўла да Карынцянаў.
Браты, радуйцеся, будзьце дасканалымі, суцяшайцеся, будзьце аднадумцамі, жывіце ў спакоі, і Бог любові і міру будзе з вамі.
Вітайце адзін аднаго святым пацалункам.
Вітаюць вас усе святыя.
Ласка Пана Езуса Хрыста і любоў Бога, і еднасць Духа Святога з усімі вамі.
Гэта слова Божае.
а СПЕЎ ПЕРАД ЕВАНГЕЛЛЕМ
Богу, які ёсць, які быў і які прыходзіць.
Акламацыя: Аллелюя, аллелюя, аллелюя.
аЕВАНГЕЛЛЕ
Паслаў Бог Сына свайго, каб свет быў збаўлены праз Яго
+ Чытанне святога Евангелля паводле Яна.
Гэта слова Пана.
Пераклад здзейснены Секцыяй па перакладзе літургічных тэкстаў і афіцыйных дакументаў Касцёла пры ККББ
