Вітае вас Марк, сын мой
Чытанне Першага паслання святога апостала Пятра.
Умілаваныя:
Апраніцеся ўсе ва ўзаемную пакору, таму што Бог супраціўляецца ганарыстым, а пакорным дае ласку.
Дык станьце пакорнымі пад моцнаю рукою Божаю, каб Ён узвысіў вас у адпаведны час. Усялякі свой клопат ускладзіце на Яго, бо Ён клапоціцца пра вас. Будзьце цвярозымі, чувайце. Праціўнік ваш, д’ябал, як леў кружыць з рыкам, шукаючы, каго пажэрці. Моцныя ў веры, станьце супраць яго, ведаючы, што такія ж цярпенні зведваюць і вашыя браты, што ў свеце.
А Бог усялякай ласкі, які паклікаў вас да сваёй вечнай славы ў Хрысце Езусе, пасля таго як трохі пацерпіце, сам удасканаліць, загартуе, умацуе і зробіць вас непахіснымі. Яму панаванне на векі вякоў. Амэн.
Праз Сільвана, які здаецца мне верным братам, я коратка напісаў вам, заахвочваючы і сцвярджаючы, што такая ёсць сапраўдная ласка Божая, у якой трываеце. Вітае вас выбраная, як і вы, супольнасць у Бабілёніі, а таксама Марк, сын мой. Прывітайце адзін аднаго пацалункам любові.
Спакой ўсім вам, якія трываеце ў Хрысце.
Гэта слова Божае.
а
РЭСПАНСАРЫЙНЫ ПСАЛЬМРэфрэн: Буду славіць вечна міласэрнасць Пана.
Або: Аллелюя.
2. Міласэрнасць Пана буду ўсхваляць вечна, *
з пакалення ў пакаленне буду абвяшчаць
вернасць Тваю вуснамі маімі.
3. Бо сказаў: Навекі заснавана будзе міласэрнасць, *
на нябёсах умацуеш вернасць сваю.
Рэфрэн:
6. Нябёсы будуць праслаўляць Твае цуды, Пане,
Тваю вернасць на сходзе святых.
7. Бо хто ў аблоках параўнаецца з Панам?
Хто будзе падобны да Пана між Божых сыноў?
Рэфрэн:
16. Шчаслівы народ, які ведае радасны вокліч*
і ходзіць у святле аблічча Твайго, Пане.
17. Радуюцца імені Твайму ўвесь дзень *
і ўзвышаюцца ў Тваёй справядлівасці.
Рэфрэн:а СПЕЎ ПЕРАД ЕВАНГЕЛЛЕМ
Божую моц і Божую мудрасць.
Акламацыя: Аллелюя, аллелюя, аллелюя.
аЕВАНГЕЛЛЕ
Абвяшчайце Евангелле ўсякаму стварэнню
+ Чытанне святога Евангелля паводле Марка.
У той час:
Езус з’явіўся Адзінаццаці і сказаў ім: Ідзіце па ўсім свеце і абвяшчайце Евангелле ўсякаму стварэнню. Хто паверыць і ахрысціцца, будзе збаўлены, а хто не паверыць, будзе асуджаны. Тым, хто паверыць, будуць спадарожнічаць такія знакі: у Маё імя будуць выганяць злых духаў; будуць размаўляць новымі мовамі; змеяў рукамі браць будуць, і, калі штосьці атрутнае вып’юць, не зашкодзіць ім. На хворых будуць ускладаць рукі і яны выздаравеюць.
І Пан Езус, пасля размовы з імі, узнёсся ў неба і сеў праваруч Бога. А яны пайшлі і паўсюль абвяшчалі Евангелле. Пан садзейнічаў ім і пацвярджаў слова знакамі, што яму спадарожнічалі.
Гэта слова Пана.
Пераклад здзейснены Секцыяй па перакладзе літургічных тэкстаў і афіцыйных дакументаў Касцёла пры ККББ