Пошук


31.03.2018 08:45  

Каментарый да літургіі

Хрыстус Уваскрос! Аллелюя! Кожная нядзеля з’яўляецца памяткай гэтай падзеі, але сёння, у Велікодную нядзелю, асаблівым чынам святкуем Уваскрасенне Езуса Хрыста. Для нас, веручых у Езуса, уваскрослага Пана, сённяшняя ўрачыстасць — гэта найважнейшы дзень. І так, як прырода прабуджаецца да вясенняга жыцця, так і мы прабуджаныя святлом уваскрослага Езуса радасна хвалім Бога за дар жыцця, якое зелянее і квітне надзеяй. Давайце радавацца, цешыцца і дзяліцца гэтай радасцю з іншымі!


Каментарый да літургіі слова

У першым чытанні пачуем апостала Пятра, які вызнае веру ў Езуса, забітага на дрэве Крыжа і ўваскрослага на трэці дзень. А кожны, хто верыць у Яго, атрымае дараванне грахоў.

Урывак Паслання апостала Паўла да Каласянаў нагадвае, што мэтай жыцця людзей, веруючых ва ўваскрослага Хрыста, з’яўляецца адданне хвалы Богу кожным словам і чынам. Зямное — не трывалае, толькі сувязь з Богам вечная.


Малітва вернікаў

Божа, які даеш нам новае жыццё разам з Езусам уваскрослым, заносім да Цябе нашыя просьбы, з надзеяй, што Ты іх выслухаеш.

  1. Молімся за Касцёл Святы, каб поўны надзеі абвяшчаў усяму свету праўду аб уваскрасенні Сына Божага. Цябе просім...
  2. Молімся за Айца Святога, біскупаў і святароў, каб усім людзям абвяшчалі радасную навіну аб уваскрасенні Пана нашага, Езуса Хрыста. Цябе просім...
  3. Молімся за хрысціянаў ва ўсім свеце, каб з адвагай вызнавалі веру ў змёртвыхпаўсталага Пана. Цябе просім...
  4. Молімся аб ласцы вытрывання ў веры ў Езуса ўваскрослага для хрысціян, якія пераследуюцца. Цябе просім...
  5. Молімся аб жыцці вечным для памерлых, каб прабывалі ў хвале ўваскрослага Хрыста. Цябе просім...
  6. Молімся аб супакоі і радасці ў сэрцы, якія прыходзяць з Евангелля для нас, прысутных на Эўхарыстыі. Цябе просім...

Добры Божа, выслухай нашыя малітвы і адары нас сваім супакоем. Праз Хрыста, Пана нашага. Амэн.

Падрыхтавала с. Людміла Леўдаровіч MChR

Абноўлена 31.03.2018 08:56
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.