Пошук


09.02.2013 19:47  

Каментарый да літургіі

«Вось дакранулася гэта да вуснаў тваіх, і прыбрана беззаконне тваё ад цябе, і адкуплены грэх твой».

Сведчанне сваёй веры ў Бога, апостальства людзей — абавязак кожнага хрысціяніна. Канешне, гэта не абавязкова павінна быць прапаведванне у непасрэдным сэнсе гэтага слова. Прапаведванне сапраўдным хрысціянскім жыццём можа казаць больш красамоўна, чым сто прапаведнікаў адначасова. Заставацца заўсёды, у любым выпадку, верным Богу і Яго загадам — тая малая частка любові Божай, якую мы можам прынесці ў свет.

Каментарый да літургіі слова


«Плыві на глыбіню…»

Гэтымі словамі Езус звяртаецца сёння да кожнага з нас. Жыццё набывае свой сэнс, калі мы верым словам Сына Божага, таго, хто нас збавіў. Мы не можам верыць, не паказваючы сваімі справамі, адносінамі з людзьмі любоў Божую, якая ў нас расце штодня. Немагчыма здабыць веды аб любові Божай з падручнікаў, з часопісаў, іх можна здабыць толькі ў жыцці, праз цярпеніі і вымаганні, праз учынкі міласэрнасці.

Малітва вернікаў

Праслаўляем Усемагутнага Бога, што ўчыніў нас годнымі сёння праслаўляць Яго, і пакорна молім:

  • Узмацняй свой святы Касцёл і падтрымлівай тых, хто ім кіруе ў сапраўднай любові.
  • Падтрымай усіх, хто знаходзіцца ў цяжкіх жыццёвых абставінах, няхай знайдуць у Табе крыніцу суцяшэння.
  • Адары сужонкаў разуменнем каштоўнасці шлюбу, каб у іх сем’ях заўсёды панаваў спакой і ўзаемаразуменне.
  • Прымі нашых памерлых у сваё Нябеснае Валадарства, каб маглі сузіраць Цябе тварам у твар.
  • Дай нам, удзельнікам гэтай нядзельнай Эўхарыстыі, дасягнуць разумення Тваёй волі.


Схіляемся перад Тваёй веліччу, Божа, і просім, абарані нас ад усялякага зла, праз Хрыста, Пана нашага. Амэн.

Рэгіна Гасанна Атрашкевіч OPs

Абноўлена 25.09.2017 11:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.