Каментарый да літургіі
Каб убачыць Бога, патрэбны вочы веры. Каб пачуць Яго голас, трэба слухаць сэрцам. Бог падчас кожнай святой Iмшы звяртаецца да нас у сваiм слове. А таксама аб’яўляе сваю любоў, ахвяроўваючы сябе Айцу за нас. Станем жа перад Богам з адкрытым сэрцам, каб пачуць Яго голас і з верай прымаць Яго словы. Бог чакае нас i хоча, каб мы супрацоўнічалі ў справе збаўлення свету.
Каментарый да літургіі слова
Аб’яўленне таямнiцы Езуса, адкiнутае Яго землякамі i прынятае па-за межамi Яго бацькаўшчыны, прадказвае адмаўленне Яго вучэння таксама і ў Ерузалеме. Езус з’яўляецца знакам, якому будуць супрацiўляцца. Пачатак публiчнай дзейнасці Езуса адначасова аб’яўляе яе канец.
Малітва вернікаў
Да Бога, якi запрасiў нас на сённяшнюю Эўхарыстыю, занясём просьбы з верай, што Ён заўсёды выслухае:
- Молiмся за святы Касцёл, каб няспынна абвяшчаў свету аб любовi Бога да чалавека. Цябе просiм...
- Молiмся за Айца Святога, бiскупаў i святароў, каб верна выконвалi ўскладзеную на іх мiсiю абвяшчання Евангелля. Цябе просiм...
- Молiмся за тых, хто не верыць у Хрыста, каб зразумелi, што толькi Бог дае сапраўдны сэнс жыццю чалавека. Цябе просiм...
- Молiмся аб паклiканнях да святарства i манаскага жыцця, каб заўсёды былi тыя, хто будзе прапаведаваць Добрую Навiну i паказваць хараство жыцця з Богам. Цябе просiм...
- Молiмся за нашых памерлых, каб увайшлi да супольнасцi збаўленых у небе. Цябе просiм…
- Молiмся за нас саміх, каб мы адважна выконвалi заданні, якiя вынiкаюць з нашага паклiкання. Цябе просiм...
Пане Божа, аддаем Табе нашыя просьбы. Выслухай нашыя малiтвы i адары свой Касцёл патрэбнымi ласкамi. Праз Хрыста, Пана нашага. Амэн.
Падрыхтавала с. Людміла Леўдаровіч MChR
