Каментарый да літургіі
Бог прымае кожнага чалавека, таму ўсе мы пакліканы да веры. Прымаючы ўдзел у Эўхарыстыі, далучым свой голас да пакорлівай малітвы ўсяго Касцёла, каб у свеце панавала Божае Валадарства, а людзі жылі ў праўдзе і любові.
На пачатку святой Імшы перапросім Найвышэйшага за ўсё, што з'яўляецца перашкодай да яднання з Ім і нашымі братамі.
Каментарый да літургіі слова
Хрыстус у сваім Слове вучыць нас малітве, якую Бог заўсёды выслухоўвае. Адкрыем нашыя сэрцы на Божае слова, каб мы вучыліся сапраўднай малітве і выпрасілі міласэрнасць, якой усе патрабуюць.
Малітва вернікаў
Богу, які дае нам збаўленне і дары, неабходныя для дасягнення гэтага, прадставім нашыя просьбы.
1. Просім, каб Касцёл з адвагай абвяшчаў Божае слова ўсяму свету.
2. Просім, каб хрысціяне былі заўсёды падрыхтаваны да сустрэчы з Богам.
3. Просім, каб бацькі перадавалі сваім дзецям перад усім духоўныя каштоўнасці.
4. Просім, каб людзі бедныя і церпячыя ўзбагачалі Касцёл праз свае пакуты і ахвяры, а таксама не былі пазбаўлены сэрца і матэрыяльнай дапамогі.
5. Просім, каб памерлыя (...), узнагароджаныя за жыццё на зямлі, увайшлі ў радасць Пана.
6. Просім, каб мы з пакорай трывалі ў малітве і былі ўдзячнымі за ўсе Божыя дары.
Божа, які ўзбагачаеш людзей рознымі дарамі, каб служылі іншым праз сваю працу і жыццё, просім, пачуй нас і выслухай усе нашыя просьбы. Праз Хрыста, Пана нашага.
Каментарый да літургіі і малітва вернікаў на XXX Звычайную нядзелю, Год С (23 кастрычніка)
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
