Пошук


22.04.2016 21:37  

Каментарый да літургіі

“Няхай сыны чалавечыя даведаюцца пра Тваю магутнасць *
і пра веліч славы Твайго Валадарства.
Валадарства Тваё — валадарства ўсіх вякоў, *
і панаванне Тваё — з пакалення ў пакаленне”.


Велікодны час яшчэ працягваецца, а яго трываласць падкрэслівае патрэбу большага разважання ў сэрцах над справамі кожнага з нас. Апосталы кіруюцца ў доўгія падарожжы, сведчаць пра Божую любоў і апавядаюць усяму свету пра адкупленне, якое мы спазнаем праз Езуса Хрыста. Так і кожны з нас можа браць прыклад з апосталаў і паказваць тое, што ўчыніў і што чыніць Пан у штодзённым жыцці чалавека.

Каментарый да літургіі слова

“Як Я палюбіў вас, так і вы любіце адзін аднаго”.

Любіць – вельмі няпростая справа. Можна казаць, канешне, што любіш, але паказаць сапраўднасць словаў могуць хіба што толькі ўчынкі. Езус Хрыстус даў нам прыклад любові ахвярнай, сапраўднай, беззаганнай. Зразумела, што для звычайнага чалавека няпростай задачай можа стаць любоў такога ж тыпу, але дзеля гэтага і дадзена жыццё, каб масімальна набліжацца да ідэалу любові, якая нам прадстаўлена самім Богам.

Малітва вернікаў

У першы дзень тыдня пакорна просім Пана Бога нашага:

  • Адары нашага Папу Францішка і ўсіх біскупаў свету мудрасцю ў іх пастырскім служэнні.
  • Дадай уладам усіх краін разважлівасці ў дзеяннях, каб усё рабілі для дабрабыту грамадзян.
  • Даручаем Табе ўсіх церпячых і хворых, дадай ім вытрымкі і вернасці Табе.
  • Прымі ў сваё Валадарства ўсіх, хто пакінуў гэты свет, няхай цешацца з Табой у вечнасці.
  • Благаславі нам, прысутным ля Твайго алтара, каб вучыліся сапраўднай любові праз рэалізацыю Евангелля ў сваім жыцці.


Праз Хрыста, Пана нашага. Амэн.

Падрыхтавала Рэгіна Рудкоўская

Абноўлена 25.09.2017 11:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.