Каментарый да літургіі
“Не рабіце жорсткімі сэрцы вашыя...”
Бог аздараўляе кожнага з нас, адкідваючы ўсе дрэнныя справы. Як убачым у першым чытанні, несапраўдныя прарокі адкінутыя Богам, тыя хто кажа няпраўду. Пан вучыць нас праз гэта шчырасці і сапраўднай веры. Шчырасці перад усім у дачыненні да Бога, у сэрцы сваім, а з гэтага і справядлівасці перад людзьмі. Варта крытычна глядзець на сваё жыццё і ўдасканальвацца ў кожнай справе, каб быць прынятымі Богам праўды.
Каментарый да літургіі слова
“…Народ, які сядзеў у цемры, убачыў святло вялікае, над жыхарамі краіны смяротнага ценю заззяла святло".
Бог праз свайго Сына прыйшоў даць людзям аздараўленне, каб кожны змог прыйсці і атрымаць ачышчэнне ад усіх дрэнных звычак, якія яго трымаюць. І калі жывеш у дрэнных схільнасцях, то пазбаўленне ад іх можа падавацца сапраўднай смерцю. Але, магчыма, варта паглядзець на гэта з іншага боку. Ці той, хто хоча нас ачысціць, не прапануе нам нешта лепшае, новае… жыццё?
Малітва вернікаў
Да Бога Усемагутнага, у Тройцы Адзінага, узнясём пакорныя малітвы:
- Молімся за супакой і мірнае жыццё ва ўсім свеце.
- Молімся за ўсіх бяздомных, каб знайшлі годнае месца для жыцця і супакой у сэрцы.
- Молімся за сужэнцаў, каб шукалі ўмацаванне і падтрымку ў любові Божай.
- Молімся за нас, тут сабраных, каб штодзённае жыццё было для нас не марнасцю, але ўдасканаленнем і набліжэннем да Бога.
Божа, выслухай нашыя малітвы, які жывеш і валадарыш на векі вечныя. Амэн.
Рэгіна Атрашкевіч
