Каментарый да літургіі
Касцёл, выконваючы Божую волю, заклікае да навяртання і напаўнення надзеяй на тое, што Бог клапоціцца аб людзях, любіць кожнага, усіх жадае адарыць збаўленнем. У Касцёле ў нашай краіне мы перажываем Год навяртання. У гэты час мы павінны вярнуцца да крыніцы – значыць да Божай ласкі.
Таму адкрыемся на Божы заклік, паўстанем з цемры граху і будзем ісці да святла – нашага збаўлення.
Каментарый да літургіі слова
Бог праз вусны свайго Касцёла ўкажа нам заклік: устань, ідзі і абвяшчай! Нельга марудзіць з адказам на гэты заклік. Мы ўжо не маем часу на маруджанне, бо „наблізілася Валадарства Божае”. На ўзор рыбакоў з сённяшняга Евангелля, якія пакінулі ўсё і пайшлі, адкажам неадкладна на гэты заклік, поўны любові, каб Езус не пайшоў далей без нас, а мы каб не засталіся ў цемры свайго смутку, роспачы і пасіўнасці.
„Мінае вобраз гэтага свету”, таму, услухаўшыся ў Божы заклік, скіраваны да нас, і ўсведамляючы нялёгкі шлях, які нас чакае, будзем прасіць разам з псальмістам: навучы мяне сцежкам Тваім!
Малітва вернікаў
Бог ёсць Любоў, якая нястомна да нас прыходзіць і прытуляе нас да свайго сэрца, таму будзем прасіць Яго за тое, што непакоіць нашы сэрцы:
1. За Касцёл, каб нёс надзею туды, дзе пануе сумнеў, радасць туды, дзе ёсць смутак, любоў туды, дзе яе не хапае.
2. За тых, хто выконвае ў Касцёле адпаведныя задачы, каб у выкананні сваіх абавязкаў былі слугамі любові, справядлівасці і міру.
3. За ўсіх хрысціян, каб будавалі свае адносіны на аснове закону любові і жылі ў згодзе і еднасці.
4. За ахвяраў розных залежнасцяў, якія не бачаць безнадзейнасці сваёй сітуацыі, каб у іх сэрцах зноў нарадзілася адчувальнасць і жаданне барацьбы.
5. За тых, хто гэтай ноччу адкрыў вочы на другім баку жыцця, каб, агорнутыя святлом Уваскрасення, праславілі Бога ў вечнасці.
6. За нас саміх, якія прыйшлі на Вячэру Баранка, каб наша малітва вяла нас да ўбогіх, пакрыўджаных і хворых.
Благаславі нас, Божа, і дазволь нам поўнасцю даверыцца Табе. Праз Хрыста, Пана нашага. Амэн.
Кс. Юрый Марціновіч
Каментарый да літургіі і малітва вернікаў на ІІІ Звычайную нядзелю (Год B)
![](/3/images/resources/mix/2016-01-28-gost-01.jpg)
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .