Пошук


18.11.2017 14:40  

Каментарый да літургіі

«…Няхай благаславіць цябе Пан з Сіёну,
і ўбачыш дабрабыт Ерузалема ва ўсе дні жыцця свайго...»


Усё, што мы маем у нашым жыцці, што нас акружае — створана Богам. Але таксама і тое, што Ён дае нашаму сэрцу: вера, надзея, любоў. Толькі ад нас залежыць, ці будзем мы прымаць гэтыя дары, ці застанемся без благаслаўлення і Яго апекі… Бо мы можам не толькі атрымаць, але і памножыць Божыя дары праз добрыя учынкі, а Ён зноў для нас і ў нас памножыць ласкі праз Эўхарыстыю.

Каментарый да літургіі слова

«…Па доўгім часе прыходзіць гаспадар слугаў гэтых і патрабуе ад іх рахунку…»

Кожны чалавек атрымаў ад Бога свае здольнасці. Гэтыя здольнасці могуць альбо затухаць, альбо павялічвацца. І тут важным з’яўляецца супрацоўніцтва з Богам праз тыя магчымасці, якія Ён нам дае. Менавіта пра гэта нам сёння кажа Евангелле. Нехта павялічыць здольнасці, нехта застанецца з тым, што мае. І ў выніку мы будзем стаяць перад Богам і адказваць за тое, як мы выкарысталі жыццё і тое, што Ён нам даў.

Малітва вернікаў

Шчырым сэрцам просім Пана нашага:

  • Адары нашага Папу Францішка і ўсіх біскупаў свету мудрасцю ў іх пастырскім служэнні.
  • Дадай уладам усіх краін разважлівасці ў дзеяннях, каб усё рабілі для дабрабыту грамадзян.
  • Даручаем Табе ўсіх церпячых і хворых, дадай ім вытрымкі і вернасці Табе.
  • Прымі ў сваё Валадарства ўсіх, хто пакінуў гэты свет, няхай цешацца з Табой у вечнасці.
  • Благаславі нас, прысутных ля Твайго алтара, каб вучыліся плённа выкарыстоўваць атрыманыя ад Бога дары.


Праз Хрыста, Пана нашага. Амэн.

Падрыхтавала Рэгіна Атрашкевіч

Абноўлена 18.11.2017 14:42
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця