Каментарый да літургіі
Сёння, сабраўшыся на Эўхарыстыі, будзем заклікаць Пана ў малітве, просячы злітавацца над намі і ачысціць нас ад граху. Таксама хочам дзякаваць і праслаўляць Пана за дар любові і прабачэння, якое Ён аказвае нам. Хай у нашым сэрцы заўсёды будзе ўдзячнасць, бо гэты дар мы атрымалі ад Яго.
Вызнаем свае грахі перад Богам і просім Хрыста злітавацца над намі сёння, як гэта калісьці ўчыніў у адносінах да пракажоных.
Каментарый да літургіі слова
Слова Божае сёння заклікае нас быць удзячнымі. Бог нам дае вельмі шмат, а так мала тых, хто гэта бачыць і дзякуе. Слухаючы слова Божае, прымем паставу самараніна, які атрымаў дар і вярнуўся да Хрыста, каб Яму падзякаваць.
Малітва вернікаў
Будзем заклікаць Пана, як пракажоныя, і прасіць, каб Ён пачуў нас і прыйшоў да нас на дапамогу.
Змілуйся, Пане, і прыйдзі на дапамогу
- Молімся за Касцёл, каб, умацаваны Духам Святым, аб’вяшчаў Божую міласэрнасць і заклікаў да падзякі за збаўленне праз Хрыста.
- Молімся за ахрышчаных, каб мелі паставу падзякі за дары Бога, асабліва за дар прабачэнне грахоў.
- Молімся за грэшнікаў, каб заклікалі ў малітве Хрыста, прасілі Яго аб пакаянні, прабачэнні грахоў і ўмацаванні ў добрым.
- Молімся за памерлых, каб дасягнулі Божай міласэрнасці і назаўжды маглі дзякаваць Богу за дар збаўлення.
- Молімся за нас, каб мы былі трывалымі ў малітве і ўдзячнымі за ўсе дары Божыя.
Божа, які ўсё стварыў і сваю дабрыню аб’явіў у Хрысце, прымі нашу малітву ў знак веры і даверу Тваёй ўсемагутнасці. Праз Хрыста, Пана нашага.
Апрацавала с. Людміла Леўдаровіч MChR
