Праз заступніцтва святога Яна Паўла ІІ аздараўленне атрымала вялікая колькасць людзей. Падчас пандэміі каранавірусу мы просім заступніцтва святых, каб Бог абараніў нас ад гэтай хваробы і даў здароўе хворым.
У 15-ю гадавіну адыходу ў дом Нябеснага Айца святога Яна Паўла ІІ падаем малітву аб аздараўленні праз яго заступніцтва.
Малітва аб аздараўленні праз заступніцтва святога Яна Паўла ІІ
Для прыватнага чытання
Будзь праслаўлены, Божа, Стварыцелю чалавека і Пане жыцця і смерці! Калі на тое ёсць Твая воля, о мой Божа, аздараві мяне ад гэтай хваробы. Няхай Дух Святы, атрыманы мною ў сакрамэнце хросту і канфірмацыі, дапаможа мне прыняць Тваю святую волю. Няхай Ён вядзе мяне, няхай адорыць мяне мужнасцю, каб я здолеў прыняць і несці свой крыж.
Праслаўляю Цябе, Пане, за ўсе ласкі, якімі Ты мяне адарыў і не перастаеш шчодра адорваць. Я хачу да канца выканаць заданне, якое Ты даручыў мне. Праз заслугі Твайго Сына, які цярпеў на крыжы, прашу Цябе, адары мяне здароўем душы і цела. Амэн.
