ЛІТАНІЯ ДА СВЯТОГА РОХА
Кірые, элейсон,
Хрыстэ, элейсон, Кірые, элейсон.
Хрыстэ, пачуй нас,
Хрыстэ, выслухай нас.
Ойча з неба, Божа,
— змілуйся над намі.
Сыне, Адкупіцель свету, Божа,
— змілуйся над намі.
Духу Святы, Божа,
— змілуйся над намі.
Святая Тройца, Адзіны Божа,
— змілуйся над намі.
Святая Марыя,
— маліся за нас.
Святая Багародзіца,
— маліся за нас.
Святая Панна над паннамі,
— маліся за нас.
Святы Роху, Хрыста вызнаўца,
— маліся за нас.
Святы Роху, скарбе усяго свету,
— маліся за нас.
Святы Роху, апякуне хворых і паміраючых,
— маліся за нас.
Святы Роху, годны сыне і аздоба французскага краю,
— маліся за нас.
Святы Роху, ласкавы ойча гаротных,
— маліся за нас.
Святы Роху, які мужна пагарджаў усім свецкім,
— маліся за нас.
Святы Роху, нястомны зямны пілігрыме,
— маліся за нас.
Святы Роху, які ў нябеснай хвале прабываеш,
— маліся за нас.
Святы Роху, асаблівы выратавальнік ад маравой пошасці,
— маліся за нас.
Святы Роху, з ласкі Хрыстовай вялікі цудатворца,
— маліся за нас.
Святы Роху, мужны абаронца святой веры,
— маліся за нас.
Святы Роху, незвычайны паслядоўнік Хрыстовай беднасці,
— маліся за нас.
Святы Роху, клапатлівы апякуне удоваў і сіротаў,
— маліся за нас.
Святы Роху, адданы суцяшальнік душаў,
— маліся за нас.
Святы Роху, дзейсны лекару чалавечых хваробаў,
— маліся за нас.
Святы Роху, прыклад сапраўднай пабожнасці,
— маліся за нас.
Святы Роху, дасканалы правадыру на шляху цнотаў,
— маліся за нас.
Святы Роху, цудоўны прыклад апостальскага духу,
— маліся за нас.
Святы Роху, цярплівы шанавальнік Крыжа Панскага,
— маліся за нас.
Святы Роху, як анёл у жыцці нявінны,
— маліся за нас.
Святы Роху, сапраўдны патрыярху народа Божага,
— маліся за нас.
Святы Роху, дзівосны прарок з ласкі і Духа Божага,
— маліся за нас.
Святы Роху, руплівы настаўнік няўмелых,
— маліся за нас.
Святы Роху, дастойны паслядоўнік жыцця Хрыстовага,
— маліся за нас.
Святы Роху, абаронца беззаганнасці Панны Марыі,
— маліся за нас.
Святы Роху, у якім мы праслаўляем і ўшаноўваем заслугі ўсіх святых,
— маліся за нас.
Святы Роху, абаронца ўсяго свету ад згубных эпідэмій,
— маліся за нас.
Святы Роху, дапамога ў шпіталях,
— маліся за нас.
Святы Роху, наш магутны апякуне,
— маліся за нас.
Божа, у Тройцы адзіны, Цябе просім,
— выслухай нас, Пане.
Праз заслугі святога Роха, вернага Твайго паслядоўніка, Цябе просім,
— выслухай нас, Пане.
Каб нас ад пажару, голаду, вайны і заразы збавіў, Цябе просім,
— выслухай нас, Пане.
Каб нас ад грэшных учынкаў захаваў, Цябе просім,
— выслухай нас, Пане.
Каб нас па прыкладу святога Роха ў Тваёй службе святой умацаваў, Цябе просім,
— выслухай нас, Пане.
Каб нам, сынам і дочкам ягоным, супакой, згоду і любоў сапраўдную даў, Цябе просім,
— выслухай нас, Пане.
Сыне Божы, Цябе просім, выслухай нас, Пане.
Баранку Божы, які бярэш на сябе грахі свету,
— даруй нам, Пане.
Баранку Божы, які бярэш на сябе грахі свету,
— выслухай нас, Пане.
Баранку Божы, які бярэш на сябе грахі свету,
— змілуйся над намі.
Молімся.
Божа, які праз свайго анёла абяцаў святому Роху, што кожны, хто шчыра папросіць яго аб заступніцтве, будзе захаваны ад усялякай згубнай навалы, учыні, просім Цябе, каб мы — тыя, хто пабожна святкуе ўспамін ягоных заслугаў, былі захаваныя ад смяротнай хваробы душы і цела. Праз Хрыста, Пана нашага. Амэн.
МАЛІТВА АБ ЗАСТУПНІЦТВЕ
Божа, Цябе праслаўляюць усе святыя, просьбы якіх Ты выслухоўваеш, прыносячы палёгку ўсім, хто просіць апекі Тваіх абраннікаў. Учыні, каб тыя, хто ўшаноўвае святога Роха, праз яго заступніцтва былі вызвалены ад цяжкіх і заразных хваробаў, якія святому Роху самому давялося зносіць. Праз Хрыста, Пана нашага. Амэн.
МАЛІТВА ДА СВЯТОГА РОХА
Святы пілігрыме і лекару, ты клапаціўся пра хворых у дні эпідэміі, твае веды і палымяная малітва заўсёды давалі іншым надзею. Просім цябе заступіцца за хворых, асабліва за самотных, якія пазбаўлены апекі і надзеі, і падтрымаць іх у цяжкую хвіліну. Амэн.
