Паважаныя святары, шаноўныя законныя сёстры, вернікі гродзенскай дыяцэзіі!
Я звяртаюся да Вас з просьбай аб зборы ахвяраванняў у нядзелю 6 жніўня ва ўсіх касцёлах і капліцах нашай дыяцэзіі на будаўніцтва капліцы ў вёсцы Клюшчаны.
Вернікі гэтай парафіі ў Астравецкм дэканаце страцілі свой касцёл 6 чэрвеня ў выніку пажару. З болем у сэрцы я прыняў паведамленне аб страце гістарычнага касцёла. Гэта смутак для ўсёй дыяцэзіі, а асабліва для вернікаў парафіі і тых, якія былі духоўна звязаны з касцёлам у Клюшчанах.
Таму прашу Вас ад імя вернікаў з Клюшчан аб салідарнасці і збор ахвяраванняў на будаўніцтва капліцы, якая павінна паўстаць на месцы згарэлай святыні.
За вашу дабрыню ў дадзенай справе вялікі дзякуй і ад усяго сэрца благаслаўляю
Аляксандр Кашкевіч
Біскуп Гродзенскі
Да шаноўных святароў Гродзенскай дыяцэзі: паведамленне трэба прачытаць ва ўсіх касцёлах і капліцах Гродзенскай дыяцэзіі 23 і 30 ліпеня падчас нядзельнай аб'яваў. Сабраныя ахвяраванні трэба перадаць ў дыяцэзіяльную курыю.
