Цыкл катэхезаў на тэму Божых запаведзяў, прапанаваны ўдзельнікам Малітоўнай сустрэчы моладзі ў Івянцы, а таксама рахунак сумлення сталі падрыхтоўкай да сакрамэнту пакаяння. Споведзь або сакрамэнт пакаяння — адзін з сямі сакрамэнтаў, устаноўленых Езусам Хрыстом. Прыступаючы да споведзі, чалавек атрымлівае дараванне грахоў ад святара і яднаецца з Богам і Касцёлам. Пасля Змёртвыхпаўстання Хрыстус даў святарам уладу адпускаць грахі: «Каму адпусціце грахі, таму будуць адпушчаны; на кім пакінеце, на тым застануцца» (Ян 20, 23). Сакрамэнт пакаяння святары ўдзялялі прагнучым паяднацца з Богам у святыні і на прыкасцёльнай тэрыторыі. Споведзь працягвалася не адну гадзіну.

Фота а. А. Уласа OFM Conv