Шукай супакой і ідзі за ім: «Вінаграднік» у Оршы запрашае на сустрэчу |
Анонсы |
12.11.2012 13:39 |
Напэўна, многія мараць аб тым, каб не перажываць шмат па розных прычынах, жыць спакойна, не злавацца і не гневацца. Многія, магчыма, мараць проста жыць у супакоі — нікуды не рвацца, не бегчы, не даказваць і не дабівацца. Усе, хто жадае схіліцца ў разважанні і малітве над тэмай супакою, запрашаюцца на чарговую сустрэчу «Вінаградніку», якая адбудзецца ў Оршы 24 лістапада. Мы шукаем супакой у жыцці. Часам думаем, што Бог не дае нам яго. На самой жа справе Бог сам заклікае нас да міру, хоча даць нам супакой: «Пан дасць сілы свайму народу, Пан благаславіць свой народ супакоем» (Пс 28, 11), «Шукай супакой і ідзі за ім» (Пс 33, 15). Пачатак сустрэчы «Вінаградніку» ў 8.00, заканчэнне ў 21.00. Ёсць магчымасць начлегу для гасцей здалёк. (AG) |