Сёлетнія ўрачыстасці Маці Божай Будслаўскай пройдуць пад дэвізам «Марыя — святыня Духа Святога» і стануць працягам духоўнай падрыхтоўкі да 400-годдзя прабывання абраза ў будслаўскай святыні.

План святочных мерапрыемстваў:

1 ліпеня (пятніца)

• 13.00–17.00 — сустрэча і прывітанне пілігрымаў кусташам санктуарыя
• 18.00 — святая Імша для пілігрымаў (цэлебруе біскуп Уладзіслаў Блін).
  Пасля літургіі выстаўленне Найсвяцейшага Сакрамэнту і паўгадзінная адарацыя
• 20.00 — Акафіст
• 21.00 — марыйныя Нешпары
• 23.00 — святы Ружанец
• 23.20 — фільм пра пакліканне да святарства (пінская семінарыя)
  
• 24.00 — працэсія і святая Імша (цэлебруе арцыбіскуп Тадэвуш Кандрусевіч)

2 ліпеня (субота)

• 02.00 — моладзевая праграма (палатачны гарадок; вядучыя — пілігрымы з Івянца і Баранавіч)
• 02.00 — святая Імша грэка-каталіцкага абраду (перад абразом Маці Божай)
• 04.00 — адарацыя Найсвяцейшага Сакрамэнту
• 05.30 — Гадзінкі да Маці Божай
• 06.00 — святая Імша перад абразом Маці Божай (цэлебруюць айцы бернардынцы)
• 07.30 — святы Ружанец
• 08.30 — святая Імша (цэлебруе біскуп Антоні Дзям'янка і айцы новапрэзбітэры)
• 10.00 — мультымедыйная пілігрымка «Марыйныя санктуарыі свету»
• 10.30 — святая Імша (цэлебруюць біскупы Беларусі). Выстаўленне Найсвяцейшага Сакрамэнту, працэсія, гімн «Te Deum laudamus» і ўрачыстае благаслаўленне
• 13.00 — святая Імша (цэлебруе біскуп Казімір Велікаселец).

Шчыра запрашаем наведаць Нацыянальны санктуарый у Будславе ў гэтыя дні.