Вернікі Нарачы разам з біскупам Юрыем Касабуцкім ушануюць святога Роха

12.08.2020 12:45 Паводле: Ірына Шнітоўская / Naracz.by / Catholic.by

Фота: Naracz.by

У нядзелю 16 жніўня ў нарачанскай парафіі будзе адзначацца фэст у гонар святога Роха.

Гэтаму святому апекуну ад заразных хвароб у нарачанскім касцёле прысвечаны правы бакавы алтар, і ў парафіі традыцыйна ўспамін святога Роха адзначаецца як адпустовая ўрачыстасць.

Цэлебрацыю ўрачыстай святой Імшы а 12-й гадзіне ўзначаліць біскуп Юрый Касабуцкі.

Падчас яе група нарачанскіх вернікаў прыме з рук іерарха сакрамэнт канфірмацыі.

Пасля Эўхарыстыі адбудзецца малітва праз заступніцтва святога Яна Паўла ІІ і ўшанаванне яго рэліквій.

Урачыстаму ўспаміну святога Роха ў парафіі будзе папярэднічаць Саракагадзіннае набажэнства.

Абноўлена 12.08.2020 12:57

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.