Успамін благаслаўлёнага Юрыя Матулевіча, біскупа, адзначалі ў Друі 27 студзеня.
Пробашч парафіі кс. Сяргей Сурыновіч у сваім казанні звярнуў увагу прысутных на разумны баланс паміж матэрыяльным і духоўным хлебам, якога патрабуе чалавек аднолькава, як і тых, хто будзе працаваць на нівах нашай Радзімы як медык, настаўнік, земляроб, так і як святар на Божай ніве.
Пасля Імшы кожны з моладзі атрымаў ад пробашча парафіі атрымаў падарунак — Святое Пісанне, з пажаданнем наследаваць благаслаўлёнага Юрыя Матулевіча, які прагнуў несці Божае Слова праз усё сваё жыццё, палымнеючы любоўю да Бога і Касцёла.
Ксёндз Сяргей Сурыновіч пажадаў, каб Божае Слова сталася для кожнага маладога чалавека дапамогаю ў выбары свайго шляху і дапамогай у рэалізацыі паклікання дзеля дабра ўсіх людзей.
Таксама моладзь змагла ўшанаваць рэліквіі благаслаўлёнага, якія ў дзень памяці біскупа адмыслова былі змешчаны ля аднаго з алтароў касцёла, дзе знаходзіцца абраз благаслаўлёнага Юрыя Матулевіча.
Пасля завяршэння малітвы моладзь чакаў салодкі стол у кляштары.
Даведка:
Юрый Матулевіч нарадзіўся ў 1871 годзе ў вёсцы Лугіне каля Марыямпаля ў літоўскай сям’і. Прыняў прэзбітарскае пасвячэнне і стаў святаром Келецкай дыяцэзіі. Працаваў у Варшаве і ў Санкт-Пецярбурзе. Уступіўшы ў ордэн ксяндзоў марыянаў, аднавіў яго і заснаваў дзве жаночыя манаскія супольнасці. У 1918 – 1925 гг. быў арцыбіскупам Віленскім, а потым — Aпостальскім візітатарам у Літве.
Памёр у Каўнасе ў 1927 г. У 1926 годзе з дазволу Апостальскай Сталіцы заснаваў кляштар айцоў марыянаў ў былым бернардынскім кляштары ў Друі.
Кс. Сяргей Сурыновіч