13 верасня ў Мядзелі (Мінска-Магілёўская архідыяцэзія) адбудуцца ўрачыстасці з нагоды 250-годдзя пабудовы самай першай Кальварыі, што мела месца ў 1765 г., а таксама з нагоды кальварыйскага фэсту Узвышэння Святога Крыжа. Урачыстасці ўзначаліць Апостальскі Нунцый у Беларусі арцыбіскуп Клаўдыё Гуджэроцці.

Ва ўрачыстасцях прыме ўдзел таксама Правінцыял Варшаўскай правінцыі кармэлітаў босых а. Ян Маліцкі OCD.

Кармэліты босыя з Мядзела запрашаюць усіх жадаючых.

Праграма:

• 11.00 – прывітанне Апостальскага Нунцыя ў касцёле
• 11.20 – малітоўная працэсія на мядзельскую Кальварыю
• 12.00 – прывітанне Апостальскага Нунцыя ля ўваходнай брамы Кальварыі
• 12.15 – Крыжовы шлях па Кальварыі
• 14.00 – урачыстая святая Імша на Гары крыжоў

(AG)