Пошук


Ватыкан

Чацвер, 2 мая
Папа Францішак заклікаў пробашчаў быць місіянерамі сінадальнасці
02.05.2024 16:55
2 мая Папа Францішак скіраваў ліст да святароў, якія бралі ўдзел у сустрэчы «Пробашчы на карысць Сінода», што праходзіла ў Сакрафана пад Рымам з 29 красавіка.
Майская ініцыятыва Ватыканскіх музеяў: малітва з Марыяй за мір ва ўсім свеце ў Папскіх садах
02.05.2024 13:18
У маі — месяцы, асаблівым чынам прысвечаным Маці Божай, — кожную сераду і суботу Ватыканскія музеі прапануюць адмысловую экскурсію, прысвечаную адкрыццю Марыйнай духоўнасці і прыгажосці Папскіх садоў. «Сузіраючы прыроду і мастацтва, мы памятаем пра пасланне Панны Марыі, якая нагадвае нам, што адзіны спосаб спыніць вайну — гэта прабачэнне», — кажа сястра Эмануэла Эдвардс , кіраўніца адукацыйнага аддзела Ватыканскіх музеяў. Як адзначае Італьянская рэдакцыя парталу Vatican News , пасланне Багародзіцы, якая на працягу ўсёй гісторыі нястомна паказвала чалавецтву свой план збаўлення, — пранізлівае і яснае. Напрыклад, у Фаціме, аб’явіўшыся тром дзецям-пастушкам, Яна абвясціла сапраўдны «план міру», заклікаўшы свет да малітвы, навяртання да Евангелля, прысвячэння сябе Яе Беззаганнаму Сэрцу. Малітва за мір Маршрут, як ніколі актуальны, калі мы думаем пра розныя падзеі ў свеце, у якім не спыняецца бразгат зброі, пра што згадаў таксама Папа Францішак у мінулую нядзелю ў малітве Regina Cæli падчас яго пастырскага візіту ў Венецыю. Папы заўсёды памяталі пра важнасць і сілу малітвы за мір. У гэты кантэкст з поўным правам можа быць упісана ініцыятыва «Май з Марыяй», якая з’яўляецца спецыяльнай прапановай Ватыканскіх музеяў на кожную сераду і суботу і дае наведвальнікам магчымасць занурыцца ў прыгажосць Ватыканскіх садоў і прайсці да розных выяваў Марыі, якія тут знаходзяцца. «У марыйны месяц, — тлумачыць сястра Эмануэла, — па серадах мы запрашаем пілігрымаў наведаць нас пасля папскай аўдыенцыі ў межах гэтага адмысловага адкрыцця садоў у гонар Маці Божай. Акрамя таго, у суботу раніцай, у дзень, які традыцыйна прысвечаны Марыі, наведвальнікі таксама могуць здзейсніць гэтую пілігрымкавую экскурсію». Каралева супакою «Май з Марыяй, — працягвае законніца, — гэта экскурсія, якая ўключае 10 прыпынкаў каля самых важных фігур і выяваў Маці Божай. Гэта сугучна з „дзясяткам“ ружанцовай малітвы, і таму ў гэты час, калі ў свеце так неспакойна, пры кожнай выяве Марыі мы будзем маліцца за мір у свеце. Варта ўзгадааць, што ў садах ёсць 27 розных выяваў Багародзіцы: дастаткова для таго, каб можна было з поўным правам сказаць, што гэта Яе сады. Марыя — Каралева супакою, таму такім чынам належыць маліцца за мір у свеце», — сцвярджае сястра Эмануэла. Малітва Папы Выявы Марыі, прапанаваныя ў туры «Май з Марыяй», звязаныя з пабожнасцю людзей, якія ў час вайны звярталіся да Багародзіцы, каб прасіць міру. Адносна Маці Божай Фацімскай і канфлікту ва Украіне сястра Эмануэла адзначае: «Папа Францішак пайшоў за заклікам Фацімы, прысвяціўшы справу міру Каралеве супакою. Падчас нашага візіту мы прамаўляем гэтую ж малітву перад фігурай Маці Божай Фацімскай у лучнасці з інтэнцыямі Святога Айца». Міласэрнасць, шлях да трывалага супакою Шпацыруючы па Ватыканскіх садах, мы сустракаем яшчэ адзін прыклад заступніцтва Марыі ў справе міру: Маці Міласэрнасці, створаную Рэнатай Мінута пры ўваходзе ў шале Льва XIII. «Маці Божая аб’явілася фермеру Антоніё Ботта ў 1536 годзе. У гэты перыяд Савона аддавала ўсе свае сілы на вайну супраць Генуэзскай Рэспублікі. Марыя аб’явілася, каб заклікаць абодва бакі да міру, заахвоціўшы іх кіравацца міласэрнасцю, а не справядлівасцю, і такім чынам пакласці канец канфлікту. Аб’явіўшыся як Маці Божая Міласэрнасці, наша Маці вучыць нас таму, як дасягнуць трывалага міру. Гэта тое, што Яна хоча, каб мы памяталі сёння ў нашым ахопленым войнамі свеце. Адзіны спосаб спыніць вайну — прабачэнне!» — кажа кіраўніца адуцкацыйнага аддзела Ватыканскіх музеяў. Духоўнасць Ватыканскіх садоў Прырода, фантаны, старажытныя артэфакты, статуі Панны Марыі і святых спрыяюць стварэнню таго, што можна назваць «духоўнасцю Ватыканскіх садоў», прытулку малітвы і сузірання, якое цанілі і адчувалі Наступнікі Пятра. «У гэтым цудоўным месцы Папы Ян Павел ІІ і Бэнэдыкт XVI мелі звычку штодзённа шпацыраваць, што было для іх момантам адпачынку і малітвы. Папа Францішак, як і яго папярэднікі, таксама ўпрыгожыў сады фігурай Панны Марыі з Лухана, зробленай з перапрацаваных матэрыялаў, каб нагадаць нам, што нішто не страчана, нішто не адкінута, але ўсё мае сэнс у цудоўнай працы Бога. У пэўным сэнсе, сад адлюстроўвае вучэнне Папаў, і гэта таксама дае нам важнае пасланне», — кажа сястра Эмануэла Эдвардс. Наведванні, прапанаваныя на ўэб-сайце Ватыканскіх музеяў, даступныя для ўсіх, у тым ліку для сем’яў з дзецьмі і людзей з сэнсарнымі, рухальнымі і інтэлектуальнымі парушэннямі.
Аўторак, 30 красавіка
Інтэнцыі Святога Айца на май 2024 года
01.05.2024 00:00
Аб фармацыі законніц, законнікаў і семінарыстаў Молімся аб тым, каб законніцы, законнікі і семінарысты ўзрасталі на ўласным шляху паклікання праз чалавечую, пастырскую, духоўную і супольнасную фармацыю, якая ўчыніць іх годнымі веры сведкамі Евангелля.
Святар з Беларусі ўдзельнічае ў міжнароднай сустрэчы пробашчаў, якія разважаюць пра будучыню душпастырства ў Касцёле
30.04.2024 08:52
Больш за 200 каталіцкіх святароў з усяго свету ўпершыню сустракаюцца пад эгідай Святога Пасаду, каб абмеркаваць будучыню душпастырства ў межах сінадальнага працэсу, які працягваецца ў Каталіцкім Касцёле.
Панядзелак, 29 красавіка
Тысячы вернікаў у Ватыкане ўшанавалі Яна Паўла ІІ у 10-годдзе яго кананізацыі
29.04.2024 05:40
27 красавіка з удзелам тысяч вернікаў у базыліцы сятога Пятра ў Ватыкане адбылася святая Імша ў 10-ю гадавіну кананізацыі Папы Яна Паўла ІІ.
Папа Францішак наведаў Венецыянскую біенале і сустрэўся з жанчынамі ў вязніцы
29.04.2024 04:48
Папа Францішак стаў першым у гісторыі Касцёла Пантыфікам, які наведаў свята сучаснага мастацтва — Венецыянскую біенале.
Пятніца, 26 красавіка
У Ватыкане адзначаць 10-ю гадавіну з часу кананізацыі святых Яна ХХІІІ і Яна Паўла ІІ
26.04.2024 11:33
27 красавіка, у 10-ю гадавіну з часу кананізацыі святога Яна Паўла ІІ, адзін з яго найбліжэйшых супрацоўнікаў кардынал Джаванні Батыста Рэ, які цяпер з’яўляецца Дэканам Калегіі кардыналаў, узначаліць цэлебрацыю святой Імшы ў ватыканскакй базыліцы святога Пятра.
Серада, 24 красавіка
Святы Пасад рыхтуе дакумент аб распазнаванні аб’яўленняў
24.04.2024 14:41
Дыкастэрыя Веравучэння завяршае працу над новым дакументам, які будзе вызначаць дакладныя правілы распазнавання аб’яўленняў і іншых такога роду звышнатуральных падзей.
Пятніца, 19 красавіка
Дырэктар Ватыканскай абсерваторыі: не трэба баяцца штучнага інтэлекту
19.04.2024 17:13
Нават калі б аднойчы «машыны дасягнулі пэўнай самасвядомасці, ці сапраўды была б прычына для страху?» — такім пытаннем задаецца дырэктар Ватыканскай абсерваторыі брат Гай Кансалманьё SI у бліжэйшым нумары езуіцкага часопіса La Civiltà Cattolica , які выйдзе ў суботу.
Папа Францішак вярнуў сабе тытул «Патрыярх Захаду», які зноў з’явіўся ў Папскім штогодніку
19.04.2024 13:22
У выданні Annuario Pontificio — Папскага штогодніка за 2024 год, які быў апублікаваны на пачатку красавіка, Папу Францішку быў вернуты старажытны ганаровы Папскі тытул «Патрыярх Захаду», ад якога ў 2006 годзе адмовіўся Папа Бэнэдыкт XVI.
Чацвер, 18 красавіка
34 швейцарскія гвардзейцы дадуць прысягу на вернасць Папу
18.04.2024 16:24
6 мая ў Ватыкане пройдзе традыцыйная штогадовая цырымонія прысягі новых рэкрутаў Папскай швейцарскай гвардыі. Сёлета прысягу дадуць 34 гвардзейцы.
«Папам для ўсіх» назваў свайго папярэдніка Пія Х Папа Францішак
18.04.2024 09:47
17 красавіка ў Італіі выйшла ў свет кніга святара з Трэвіза Лучыё Банора «Прысвячэнне Пію Х. Сучасныя партрэты» (выдавецтва Edizioni Kappadue , 2023), прадмову да якой напісаў Папа Францішак.
Серада, 17 красавіка
Папа і кардыналы абмеркавалі ролю жанчын, Сінод і сітуацыю ў свеце
17.04.2024 14:02
Роля жанчын у Касцёле, праца Сіноду і ажыццяўленне рэформы Рымскай курыі, а таксама сітуацыя з войнамі і канфліктамі ў свеце сталі тэмамі пасяджэння Рады кардыналаў па дапамозе Святому Айцу ў кіраванні Касцёлам.
Папскі дыпламат, які распачынаў працу ў Беларусі, прызначаны нунцыем у ПАР і Лесота
17.04.2024 11:25
Папа Францішак менаваў Апостальскім нунцыем у Паўднёва-Афрыканскай Рэспубліцы і Лесота арцыбіскупа Генрыха Мечыслава Ягадзінскага, які да гэтага быў нунцыем у Гане.
Аўторак, 16 красавіка
Новапрызначаны намеснік сакратара Дыкастэрыі Усходніх Касцёлаў раней працаваў у Беларусі
16.04.2024 11:10
15 красавіка Святы Пасад паведаміў, што Папа Францішак прызначыў монсіньёра Філіпо Чампанэллі, які да гэтага працаваў у Аддзеле агульных спраў Дзяржаўнага Сакратарыяту, намеснікам сакратара Дыкастэрыі Усходніх Касцёлаў, якую ўзначальвае кардынал Клаўдыё Гуджэроцці.
Панядзелак, 8 красавіка
Новы дакумент Дыкастэрыі веравучэння аб чалавечай годнасці асуджае вайну, насілле, аборты і адкідае гендарную тэорыю
08.04.2024 18:10
8 красавіка ў Ватыкане быў абнародаваны дакумент Дыкастэрыі веравучэння Dignitas infinita , які ўтрымлівае папскае вучэнне апошняга дзесяцігоддзя.
Серада, 3 красавіка
Папа Францішак падчас велікоднага благаслаўленння Urbi et orbi: вітаць, абараняць і любіць кожнае чалавечае жыццё
03.04.2024 08:43
Пасля святочнай велікоднай Імшы, якая прайшла 31 сакавіка на плошчы святога Пятра ў Ватыкане, Папа Францішак звярнуўся да ўсяго свету з пасланнем Urbi et Orb i і ўдзяліў сваё апостальскае благаслаўленне.
Нядзеля, 31 сакавіка
Інтэнцыі Святога Айца на красавік 2024 года
01.04.2024 00:00
Аб прызнанні ролі жанчын Молімся аб тым, каб у кожнай культуры прызнаваліся годнасць жанчын і іх багацце, а таксама каб знікла дыскрымінацыя, ахвярамі якой яны становяцца ў розных частках свету.
Серада, 20 сакавіка
Ватыкан: Прэс-служба Святога Пасаду абвергла інфармацыю пра тое, што Папа Францішак збіраецца з візітам у Маскву
20.03.2024 16:25
20 сакавіка кіраўнік Прэс-службы Святога Пасаду Матэо Бруні абверг інфармацыю, пададзеную агенцтвам Intelligence Online адносна таго, што Папа Францішак нібы запланаваў візіт у Маскву ў чэрвені.
Аўторак, 19 сакавіка
Езуіты завяршылі працэс аб’яднання трох Папскіх навучальных устаноў
19.03.2024 18:46
Згодна з намерам Папы Францішка аб’яднаць тры Папскія ўніверсітэты, якімі апякуюцца езуіты, у адну ўстанову, Папскі Грыгарыянскі ўніверсітэт у спецыяльным прэс-рэлізе прадстаўляе сваю абноўленую структуру ў адпаведнасці з новым статутам, што ўступіць у сілу 19 мая.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа