У суботу 14 жніўня ў Барысаве арцыбіскуп Тадэвуш Кандрусевіч здзейсніць пасвячэнне новазбудаванага касцёла Спаслання Духа Святога.
Гэтая ўрачыстая падзея, якую вернікі маладой каталіцкай супольнасці аднаго з найбуйнейшых райцэнтраў Беларусі чакалі больш за дзесяць гадоў, адбудзецца ў год святога Юзафа — Апекуна паўсюднага Касцёла.
Праграма ўрачыстасці
- 11.00 — пасвячэнне касцёла і святая Імша з гэтай нагоды
- пасля заканчэння — адкрыццё выставы фотамастака Ірэны Гудзіеўскай
- 18.00 — канцэрт класічнай музыкі
- 19.00 — парафіяльная агапа
Пробашч барысаўскай парафіі ксёндз канонік Аляксей Раманчук, чыімі намаганнямі вялося і было паспяхова завершана будаўніцтва святыні, ад імя вернікаў, якія яму ў гэтым дапамагалі, шчыра запрашае ўсіх ахвотных падзяліць радасць іх парафіяльнай сям’і і ўзяць удзел ва ўрачыстасці пасвячэння новага Божага дома.
Падзея для горада на Бярэзіне сапраўды гістарычная, бо да гэтага часу ў Барысаве існаваў толькі адзін касцёл, які памятае яшчэ Напалеона.
Ён размешчаны ў старой частцы горада, далёка ад новых мікрараёнаў, дзе жыве шмат католікаў.
- Праезд да новай святыні ад вуліцы Гагарына (каля дома 111) або ад гіпермаркета «Еўраопт» (вул. Гагарына, 107).
- Па арганізацыйных пытаннях звяртацца па тэлефоне:
+375 (29) 684 09 75 — ксёндз Аляксей Раманчук
