Адрас: вул. Савецкая, 118, 246028 г. Гомель.
Тэлефон: +375 29 2264429
Электронны адрас: kananovsch@bk.ru
Пробашч: кс. Аляксандр Канановіч
Расклад набажэнстваў:
Святая Імша
- у нядзелю — 9.00, 12.00, 17.00
- у будні:
- пн, ср, пт — 18.30,
- аўт, чц, сб — 8.00
- ва ўрачыстасці на працягу тыдня — 8.00, 19.00
З гісторыі парафіі
Першы драўляны касцёл у Гомелі быў пабудаваны ў 1631 г. па рашэнні караля Жыгімонта ІІІ Вазы. Храм існаваў пад тытулам Нараджэння Маці Божай. Некаторы час у горадзе дзейнічала езуіцкая місія. У канцы XVIII стагоддзя быў утвораны Беліцкі дэканат, які пасля 1853 г. стаў называцца Гомельскім.
У 1822 г. ў Гомелі пабудавалі новы мураваны касцёл у стылі класіцызму, які замяніў сабой стары будынак. Новай святыні надалі тытул Унебаўзяцця Найсвяцейшай Панны Марыі. У выніку бальшавіцкага тэрору ў 1937 г. быў арыштаваны і расстраляны апошні перадваенны пробашч гомельскай парафіі ксёндз Франц Чырскі. Тады ж быў зачынены і касцёл, а ў 1940 яго цалкам знішчылі.
Сучасная парафія была зарэгістравана ў 1989 г. Ёй была дадзена гістарычна першая назва – Нараджэння Маці Божай. У 1994 г. пачалося будаўніцтва касцёла на месцы праваслаўнай капліцы, узведзенай у 1896 г. на Новікаўскіх могілках (Цяпер Студэнцкі сквер па вул. Савецкай). Новы касцёл быў дэдыкаваны кардыналам Казімірам Свёнткам 9 снежня 2000 г. У 2012 г. італьянскія майстры Фабіо і Ісмаэль Нонэс упрыгожылі інтэр’ер касцёла фрэскамі, выкананымі ў візантыйскім стылі.
Адпуст: 8 верасня
