Адрас:
вул. Герасіменкі, 6/1
г. Мінск
Тэл.: +375 17 273-90-39
email: stokusocd@tut.by
Расклад набажэнстваў
- Св. Імша ў нядзелю і ўрачыстасці — 09.00, 10.30 (з удзелам дзяцей), 12.00, 19.00
- Св. Імша ў нядзелю і ўрачыстасці ў летні перыяд — 9.00, 12.00 і 19.00
- Св. Імша ў будні — 08.30, 19.00.
Адпусты:
Цела і Крыві Хрыста (Божага Цела) — рухомае свята, Маці Божай, 16 ліпеня — успамін Найсвяцейшай Панны Марыі з гары Кармэль (Маці Божай Шкаплернай), успаміны усіх кармэлітанскіх святых (св. Тэрэза ад Езуса, св. Ян ад Крыжа, св. Рафал Каліноўскі, св. Тэрэза ад Дзіцятка Езус і інш. )
З гісторыі парафіі
Аб заснаванні парафіі Божага Цела ў Мінску было вырашана падчас святкавання ў Касцёле Года Эўхарыстыі (2005 г.). Падпісаў гэтае рашэнне кардынал Казімір Свёнтэк. Выкананне заснавання парафіі было даручана кс. Ігару Лашуку. Пасля тагачасны Апостальскі Адміністратар Мінска-Магілёўскай архідыяцэзіі біскуп Антоні Дзям’янка даручыў апеку парафіяй айцам кармэлітам босых.
18 студзеня 2007 г. парафія Божага Цела ў Мінску была зарэгістравана. Спачатку вернікі збіраліся на малітву ў прыватных памяшканнях, а пасля (з павелічэннем колькасці парафіянаў) — у актавай зале ЖЭСа №74.
У 2010 г. быў абраны ўчастак зямлі пад будаўніцтва святыні, а праз год выдзены парафіяльнай супольнасці.
Асвячэнне пляцоўкі пад будаўніцтва святыні адбылося 8 жніўня 2011 г. 3 ліпеня 2012 г. Мітрапаліт Тадэвуш Кандрусевіч асвяціў капліцу Маці Божай Шкаплернай.
